大棠紅葉. 南丫遊

13 Jan 13 呢日爸爸即興話去睇紅葉. 點知搭的士中途, 見路經好多士多啤梨園, 又口痕話跟住去摘士多啤梨. 卒之搞到Isaac一落車就嘈住話唔好玩, 要去摘士多啤梨.

嬲霸霸比媽媽捉住影紅葉



好在後黎, 兩兄妹一路行一路執葉執松果, Isaac 至忘記左士多啤梨呢回事. 仲猛咁話好好玩. 要再黎玩過.

20 Jan 13 呢日搭船去南丫島, Isaac最鐘意搭公交睇風景睇門門點開, 所以淨計搭船, 都好開心. 落左船, 由索罟灣行到去榕樹灣, 一路行一路執葉.
 
Isaac: 呢條羽毛植物, 係爸爸幫我執架

仲要經埋洪聖爺灣, 第一次冬天落沙灘. 不知玩到幾唔願走

Isaac:爸爸教我用羽毛寫字字呀, 嘻嘻, 好好玩呀


Isaac: 點解踩極, D 沙都入唔到鞋既~~~

玩到唔捨得走, 但我地晏都未食, 已經就黎兩點了, 所以點都要催佢地離開.

Isaac: 咁幫我影張南丫沙灘照呀, 我第一次冬天落沙灘咋, 好有紀念價值架.

餓到成兩點幾, 我地係間望海既餐廳食飯. 爸爸懶叻咁話, 我地未試過望海食飯喎~~~~ Isaac 就好老積咁答佢: 而家咪望緊囉.

 Isaac: 我鐘意食包, 呢個三文治係我既LUNCH黎架.

大棠成三個鐘山路, 同埋南丫島行左成兩個鐘,  Isaac 好努力行哂. 好叻. 仲要無扭計話肚餓. Isaac 越來越大個仔了, 真係叫媽媽老懷安慰.