親子年宵日

6 Feb 13 呢日係學校親子年宵日. 舊年媽媽留守屋企湊蘇蝦妹妹, 今年媽媽終於可以出動, 同Isaac一齊親子下. 

我地第一個活動, 選左入糖果. Isaac 自己拎自己入袋. 


跟住, 排左好耐, 至去釣魚. 明明講好話比妹妹都釣下. 點不知, 快手快腳既 Isaac噓一聲就筆哂三條. 

媽媽就變左姑厘, 夾住妹妹之餘, 仲要幫 Isaac 拎相, 睇下老師指定要邊幾條魚. 

釣完魚, 媽媽死人都迫兩兄妹入去扭波波, 因為咁樣, 阿妹至可以玩埋一份嘛. 

嘩, 妹妹扭左長頸鹿, Isaac 就要劍. 不過呢兩件玩具, 返到屋企唔駛一分鐘被遺忘了. 實在係物質太豐富了. 唔識珍惜. 

兩兄妹都唔望鏡頭~~~~~不過 Isaac 自己幫把劍扮靚, 影出黎效果又唔錯喎. 

學校今年既茶點係蘿蔔糕. Isaac 好叻仔, 肯分享一些比妹妹食. 呢種性格, 媽媽最欣賞了. 

我地仲係呢間班房, 發現 Isaac 幅相呀. 

親子年宵日好快完, 完左後, 我地行返屋企, 路經石春路, Isaac除哂鞋落去行, 佢話唔痛喎. 

 話咁快一年, 舊年黎年宵日, Isaac 係以準新生名份黎既, 而家已經係K1了. 好快又到妹妹以準新生名份同哥哥一齊黎玩.