捱眼瞓合唱團表演

2 Feb 13 係Isaac 第二次校外合唱團表演呀. 對於Isaac黎講, 其實係一個好好玩既遊玩黎. 不過呢日病未好, 仲咳緊, 食左葯好眼瞓, 但爸爸話照食葯喎. 所以, 成日流流長, Isaac 就由朝早捱眼瞓撐到成三點幾四點, 真係叻仔.

堅持唔肯影相既 Isaac, 爸爸就出古惑, 淨影佢個背脊.

朝早11點綵排, 一去到, 估唔到屯門區係第一組上台綵排. 排隊上去lu




Isaac: 我咪講左唔好影我相囉

咁遠出到黎, 估唔到綵排完就散得水, 仲有成三個鐘, 去邊好?
好在對面就係九龍公園, 可以行下先. 等夠鐘再返去表演.

 Isaac: 媽媽, 你記唔記得呢個表情呀? 係我一歲鬆dd時, 成日影相扮架.

Isaac: 呢個就係我就黎四歲既老積樣.

Isaac: 嘩, 我托住條蛇先

Isaac: 似唔似托起左呀?

Isaac: 揾唔揾到我呢?

食左葯既Isaac, 最精神係行公園同埋食飯時間. 可惜食完飯又要食葯, 跟手去表演. 所以係眼瞓到暈. 等左好耐, 至等到屯門區表演. 好在Isaac未瞓著. 不過眼瞓到呆哂口咁

好在音樂一到, 就自動波仲識唱姐

 

不經不覺, 參加左合唱團都八個月左右了. 不過媽媽開始想轉團呀, 因為熊熊合唱團感覺好似唔係好pro 咁. 兩次表演都係圍內自己家長睇, 不過可能香兒個d都係啦. 只係最top個幾個至會出到公眾場合唱掛. anyway, 暫時Isaac仲細, 佢又鐘意唱, 暫時會比佢繼續唱下玩下先既. 等佢大少少, 再諗下轉唔轉其它團.