牛奶布甸

年尾周圍都減價CAP 水， 咁岩見呢隻牛奶減價幾抵咁， 一買買左兩合， 諗住整牛奶布旬比仔女食。


年廿九， 食完團年飯， 返屋企開餐食布甸LU。今次無用北海道3．6牛奶， 因為好似3．7脂肪高D， 斷估會滑D掛～～～但太大陣奶味， 本人真係麻麻地。唔明點解咁多人鐘意飲北海道牛奶。

呢次又係親子牛奶布甸， 不過掛住整， 忘記幫仔仔影相。所以， 整完補返張相算。

食譜如下：
350ML 牛奶
砂糖 35G
淡忌廉 150ML
魚膠粉 7G （我覺得 5G都得， 因為我鐘意滑D既感覺）
水 15G

先用水攪溶魚膠粉（其實係搞唔溶， 只會變左一PEI）， 搞完後座熱水等佢溶， 但座水個時， 其實都要係咁搞下， 因為座到咁上下， 我發現有少少魚膠粉已經凝固返
牛奶同砂糖煮熱， 一煮溶即熄火， 如果煮滾左牛奶， 好易有層衣同埋令布甸有粒粒
熄火後， 倒入魚膠粉同忌麻跟住再伴勻

跟住可以入容器雪硬。我就加埋過“西”， 等D 布甸再滑D。

原來牛奶布甸好易整架咋。下次用剩D忌廉， 求其用仔女的奶黎整都得了。