第一次睇新年煙花

11 Feb 13 本來諗住早少少上山頂玩一陣公園, 點知搞搞下無哂時間. 所以我地淨係上山頂食餐飯睇煙花. 不過 Isaac都好開心. 

 Isaac: 我聽到有人講我喎. 

 Isaac: 呢個飯係我自己要架. 我最想食個舊炸三文魚. 

Isaac: 好好味呀, 我仲分左一啖仔比妹妹, 我叻唔叻呀


廿分鐘既煙花, 對小朋友黎講, 真係好長, 仲要重重複複都係一堆火花. 所以, 睇睇下, 有人走左去玩

莫非佢想拗腰?

Isaac: 咦, 點解比你地發現左架


睇完煙花, 臨走影張大合照. 估唔到咁齊心, 可以一齊望鏡頭. 

阿仔好鐘意公交, 所以一見呢架展示車, 死人都要出返黎影張相至可以走. 不過架車收九點, 我地入唔到去, 唔知裡面係展示d乜呢