劍擊比賽第一環 ﹣ 步法

好怕YAHOO UPLOAD VIDEO 又有問題， 所以， 先UP住兩條先， 試下中間再打字。不過再多片同相， 唔敢LOAD上黎， 要分幾篇黎打至得， 免得嘥心機。

話說呢日， 係2013年1月27日， Isaac 劍擊比賽。由第一堂劍擊學習， 媽媽都在場睇住佢上堂， 發覺 Isaac 玩居多， 周圍撩人講野又周圍擰， 其實媽媽都幾不滿架，心諗， 你返學上堂究竟係咪咁架。上堂PRACTISE時， 又玩劍， 仲要傻豬到， 幫對手捉住對手支劍篤自己。所以， 呢日比賽前， 媽媽好認真咁同 Isaac講， 比賽一次既姐， 唔該你認真D， 比心機， 贏就係贏， 輸就係輸， 無第二次再黎過的。其實咁講， 唔知岩唔岩， 唔知會唔會灌輸左Isaac重視結果既感覺， 但媽媽真係唔想見到 Isaac 出去比賽都玩玩玩唔專心周圍擰。唯有認真同佢講比賽係點。希望佢明啦。

唔知係咪第一次參賽， 媽媽其實仲緊張過 Isaac， 去到現場報到時， 已經有少少緊張了。但又要保持鎮定， 免得傳染阿仔。唔知係 Isaac 眼瞓吖， 定係佢都知呢個係比賽， 所以， 成程都係木口木臉， 好認真咁款。唧都唔笑～～～～直至成個比賽完結。

比賽分兩節， 第一節係步法同眼界。好似好易， 不過對於未夠四歲的 Isaac ， 其實有點難度～～～～因為呢個劍擊班， 其實係比四歲以上報架， 哈哈。Isaac 偷步學， 所以， 佢既手腳眼腦協調， 始終都係未夠成熟。

第一節步法同眼界， 唔記得左點解分兩條片錄了。不過錄得唔係咁好， 希望阿仔睇返唔好見怪， 因為實在太多家長迫住， 同埋又要避開兩個裁判喎。唯有企到咁後。