好玩PLAYHOUSE

25 Jan 13 呢日哥哥學校家長日， 唔駛返學。媽媽一早就買定PLAYHOUSE團購票， 預定呢日去玩個夠。

荃灣既PLAYHOUSE暫時得三間， 呢間係麗城既PLAYHOUSE係最新既。所以係最乾淨。唯一可惜係要轉車上去。

一入到去， Isaac 第一句就話， 點解呢度咁細既？

不過一見到射波槍， 就唔理三七廿一， 即跑去執波黎射。我地好早去到， 人地岩岩開門， 所以我地可以好FREE咁玩。


Isaac: 媽咪， 你睇下， 我又放哂波上彈床呀。

呢度最正， 係有部噴波機係波波池到， 即係小朋友唔止玩波波池咁簡單，仲可以搏哂命咁塞部機食波。睇下Isaac 幾忘我就知呢部機有幾新奇啦。

不過呢度既滑梯好短架咋。但咪睇佢咁短唔斜喎， 個兩個突出黎既位， 滑到落去， 凳到你屎屎下。小朋友可能鐘意呢種刺激。不過媽媽一把年紀， 真係怕怕。


呢度同其它場一樣， 一過左食飯時間， 忽然間勁多人。好在Isaac揾到朋友仔陪佢玩警察館。所以係咁渣車車。但佢咁高大， D 車好似唔係好岩佢喎。Isaac: 我好辛苦呀～～～坐到， 但我要捉賊人， 要快D至得。

Isaac坐左入去， 好似變左小矮人咁。好搞笑。

Isaac: 媽咪， 呢架車岩我坐多D呀。

Isaac: Isaac 警長出巡時間又到～～～

間PLAYHOUSE係麗城到， 其實岩哂麗城班居民， 可以當私人會所落去玩一個鐘就返屋企。所以， 個日都遇到D住麗城既家長， 返學前後落去玩一陣就返歸架。