劍擊比賽第二環 ﹣ 攻、守

27 Jan 13 Isaac 劍擊比賽， 第二環節， 係對打。Isaac 斷估係全組最細既一位， 媽媽仲以為， 對打感該同同班同學仔一齊掛～～～～點知， 一宣佈名， 第一組出場既， 係Isaac,  哇， 媽媽心諗不妙， WARM UP 睇人玩下都無， 呆呆滯滯未瞓醒就要出場， 唔係下嘛。再睇下同組兩個對手， 哇， 咁高大， 唉， 個心已經冷左一截。萬分之失望， 淨睇外型， 都輸哂啦， 人地望落都成五歲幾， 神高神大， Isaac 四歲都未有， 唉～～～～點打。

當時最不滿， 仲要係， 其它一齊上堂既同學仔， 都係打三次， Isaac 就得兩次， 仲要兩次都係同組既神高神大對手。媽媽成個腦都一舊云， 後尾忍唔住問裁判， 究竟係咪打兩次架咋， 點解人地打三次。點知裁判話岩喎， 因為人地個組都係四個人， Isaac 比賽個組三個人， 所以兩次係無錯。

兩條片， 都係對唔同對手， 但人地都係快手快腳， 動作好靂活， 始終佢地呢個年紀， 爭一年就真係爭一年， 動作協調都係唔同D的。所以， 睇完兩次比賽後， 媽媽只係同 Isaac 講左句：你好叻呀， 打得好專心。好比心機。問心， 媽媽真係好滿意 Isaac 表現， 因為佢真係比上堂時表現得更專心， 正是媽媽所要的， 凡事要盡力比心機。

因為， 媽媽只係要求 Isaac 可以比心機打， 唔係周圍擰仲要去玩劍。卒之呢兩條片係可以睇到， Isaac 係好專心咁打到架。