劍擊比賽 ﹣ 銅奬

27 Jan 13 呢日Isaac 劍擊比賽， 不過一如以往， 朝早唔願起身， 起身後又呆呆滯滯一副未瞓醒既樣。卒之等到比賽時間， 成組幼兒組 （4﹣6歲）黎個合照先。都有成12人架。除左 Isaac 同班上堂既同學仔外， 其它個個都好高， 好似成五歲幾近六歲咁款。


比賽分兩環， 第一環係睇步法同眼界， Isaac 又係好似平時咁， 乜都要快， 搞到頭個一擊， 篤唔中紅點， 仲要係好求其好快咁完成。


可能見媽媽示意要專心， 第二TAKE 行得好好多， 仲好輕易篤到紅點了。睇下呢個POSE幾英。

12個選手做哂步法後， 輪到對打環節。正如媽媽之前個篇POST話， 出乎意料之外， Isaac 唔知係好彩定唔好彩， 居然編到大佢好多既對手打， 睇身型都輸哂心理戰。預備開劍既 Isaac, 好似一臉認真。

比賽詳情要睇返之前兩篇POST， 因為YAHOO 而家UP VIDEO好煩， 費事嘥時間心機打完一堆字同相， POST後無哂野， 唯有VIDEO同相分開放。

唔知係咪 Isaac 都知乜叫比賽， 所以成程木口木臉， 直到成個比賽結朿， 等宣佈結果時， 至見到佢有笑容， 同其它同學仔玩。

玩左成半個鐘有多， 都等於媽媽呆等左半個鐘有多， 所有參賽者至集齊頒奬台前等宣佈結果。

 個個小朋友都好無聊咁企係度等宣佈， 唔知有幾多個知道乜野叫做得奬呢
媽媽其實無諗住得奬架， 因為睇返佢打時， 對手真係好好好強， 仲要好高大， 動作又快。印象中好似Isaac唔係打到好多分。不過， 唔知點解， 宣佈第三名時， 居然有 Isaac 喎。嘩， 媽媽真係好開心， 因為係出乎意料之外既事黎。


Isaac: 媽媽， 幫我影張相吖

Isaac: 我都估唔到我會拎奬呀

後黎爸爸聽到原來得12個人比賽， 就話好易咋嘛， 第三名～～～～唏， 對於一個未滿入學年紀既小朋友黎講， 仲要係大過佢既對手中， 拎到第三名， 其實唔係全靠僥倖。Isaac 既專心同努力， 可能都係令佢拎奬既原因黎。

媽媽希望， 呢一役， 可以令 Isaac 知道， 比心機同專心既結果。亦都希望， 佢從此會愛上劍擊， 因為有滿足感吖嘛。

媽媽真係好開心， 因為呢次係 Isaac 人生中， 第一次校外比賽， 之前既緊張， 已經好快被呢種喜悅掩蓋了。唔知媽媽既喜悅大D吖， 定 Isaac 自已上台台拎奬牌既喜悅大呢