上水假日農場

8 Feb 14 呢日哥哥學校旅行。今年Claire 識行識走唔駛坐車， 我地都無帶BB車去。果然真係玩足一日唔駛抱， 叻叻。

我地都係第一次黎上水假日農場。好在係跟學校去， 原來入去條山路係單程仲要係幾危險的山路。一個唔小心真係跣落山。坐住D旅遊巴係龜速咁慢落山至轉到入去。坐係車既家長個個都好心驚膽跳。

黎到假日農場， 一入眼簾既係好原始既自然兒童遊樂區。因為未有人玩， 我地覺得唔吸引， 反而係網床好似好得意咁， 各大家長都爭相放小朋友上網床影相。Claire 當然唔例外。睇下， 驚到佢呢～～～

呢個農場真係種左好多自家有機植物， 可以摘黎買架。

又大又紅的蕃茄。可惜當我地想摘黎買時， 已經無哂了。

好大條的茄子。

好大隻既牛。居然無乜臭味。

落車後， 我地被帶領導賞個農場後， 就係大草地等影合照。未合照前， Claire 就試下扮農夫。

Claire: 點解無哂水既？

Claire: 媽咪， 我無哂水水唰！

 之後， 例牌活動就係唱飲歌。雖然未返呢間幼稚園， 但Claire 好努力咁又唱又跳，媽媽比佢一百分。

之後，開始我地既自由活動了。

媽媽以為人仔細細既Claire， 會平衡唔到， 因為要擘大腳仲要左右平衡。吖， 真係估佢唔到， Claire 居然玩到喎。

Claire: 你咪睇少我至得架。

 之後， 遺傳爸爸既大膽性格的Claire， 不斷話要餵牛牛餵豬豬。吖， 又真係唔驚喎。

Claire: 傻媽媽， 有乜好驚姐。

Claire: 牛牛， 你飽未呀？食多D呀下。 

餵完牛牛， 仲話要餵豬。唔通Claire 聞唔到豬既臭味？

之後， 我地玩左一陣掟波波。應該話， 係掟左一陣波後， Claire 又學哥哥落去執波。不過似食波多D囉。因為細粒嘛， 又要想一次執幾個波， 卒之D波上哂個咀邊。

接近一點， 農場宣佈可以摘士多啤梨， 大家即湧去摘。

Claire: 媽咪， 睇下我摘個D紅唔紅？

係我地一家四口第一次摘士多啤梨。另一口去左邊？ 咪渣相機囉。

仲摘埋粟米TIM。不過支粟米唔好講了。十五蚊支， 簡直係嚇親人～～～當打開後。

Claire: 你地估下我係邊個？ 

Claire： 估唔估到係我呢？ 哇卡卡。呢支值十元架。不過粟米。

 之後， 差唔多走時， 我地路經兒童遊玩區， 至見到好多同學係度玩緊了。有人玩緊時， 又覺得好似幾好玩咁喎。

Claire: 真係好好玩呀， 出邊無得玩架。

 之後， 我地排左好耐玩呢隻吊千秋。由一邊飛去另一端。媽媽之前好驚Claire 咁細粒， 會係後邊倒後中。吖， 點知佢又好認真咁扶實， 無跌落黎喎。

睇下佢個樣， 幾咁緊張。哈哈。

玩完呢個， 已經夠鐘回程了。咁又一次學校旅行順利完成。下年唔知又去邊呢？ 出年Claire 會以K1身份去了。真期待同佢同學仔一齊玩。

學校旅行

8 Feb 14 放左成個農曆年假， 終於等到可以見同學仔既一日了， 就係學校旅行。隔左成個假期， 呢日見到好友進進， 兩個一齊笑到四萬咁口。

仲有其它同學好友， 都好鐘意同 Isaac 一齊架。

今年學校旅行地點係上水假日農莊，以為有個兒童遊樂場， 原來謂遊樂場， 其實好原始。就地取材用大自然既野黎做D遊戲出黎。好似呢個網床咁， 其實真係好少見，咁新鮮既玩意， Isaac 想試又唔敢，擾攘左一陣至坐上去， 但好驚咁捉住囉。

落車去左大草地， 先做熱身運動， 就係唱學校既飲歌。呢個動作好似超人變身咁， 好搞笑。

之後我地係去做農夫（因為未影大合照， 所以玩住先）。打水都要咁打水上黎。Isaac 覺得新奇又刺激。

: 我未扒過泥架。

Isaac: 等我倒埋水先。

影完大合照， 即係附近既兒童滑梯玩一次先。

本來Isaac想玩多幾次， 但無理由黎到玩呢個架嘛， 加上其它同學仔都散去其它地方， 所以， 我地都夾住Isaac 走。

睇下呢個搖搖板咪仲好玩。

Isaac: 係喎， 媽咪， 我未玩過呢種搖搖板架喎

呢兩兄弟玩到幾咁開心。

Isaac: 嘩， 呢個仲搞笑呀！

Isaac: 媽咪， 你覺得我型D定進進型D呀？

細路仔真係細路仔， 乜都可以玩一餐。而家幾個輪住玩單眼， 互相係咁大笑又扮單眼， 真係無佢地符。

之後， 無啦啦比Isaac 見到有得掟波波。可惜佢唔係掟， 而係選擇落去幫人執波。仲要好好好熱心咁不停走不停跑去執。媽媽一直企附近看， 心想， 真係傻豬；但另一方面，媽媽又看到Isaac 有個大優點：就係好熱心好善良咁幫人。呢個好難得的。希望大個佢都可以KEEP住啦。

Isaac: 你個桶裝好波啦， 快D收上去啦。

Isaac: 等我繼續努力執先。

通常D人都係鐘意掟波， 唔鐘意執波架嘛。居然Isaac 樂在其中， 媽媽站在一旁看著， 心也覺得好安慰。

接近一點， 農場宣佈可以摘士多啤梨同菜呀個D。見未摘過， 就同兩兄妹玩下。好在媽媽成年前做過功課， 知道摘士多啤梨唔可以剪得太貼果實， 否則好快就爛。所以呢次同返Isaac 講， 估唔到大個仔左既Isaac， 開始記得同明白要點剪。

其實我地未去過士多啤梨園， 唔知呢度大唔大。不過量就唔算好多。我地象徵式咁摘下就算了。呢度多謝六十元（一磅要80元）。

之後， 爸爸又貪得意話去摘粟米， 不過一條粟米多謝15元。見咁貴， 我地決定兩兄妹夾埋搞一支粟米算。

好在我地摘左一支咋。真係信錯當地員工， 又話蘇多 ＝ 粟米粒多。又話呢支熟～～～點知返到家， 一剝左層皮， OH NO～～～～

好在我地唔係摘兩支姐。

跟住我地仲摘埋生菜， 十元。返到家食， 其實又好似普通菜咁。可能媽媽唔識欣賞。

之後， 媽媽見當地買既棉花糖好大支， 就叫Isaac 去排下。仲可以自己做喎。

Isaac: 係咪好神奇呢？ 咁就轉到支棉花糖出黎。

搞黎搞去， 最後我地臨走至上呢個兒童遊樂場玩。呢個滑梯真係未見過， 自製到一個服字。小月友要爬上樹屋再擘大腳沿住兩條都相距有濶度既鐵通SIR落黎。

少D平衡都唔得。

按老師要求， 黎一張家庭合照先。

最後， 我地排呢個千秋。真係排到遲到， 幾唔好意思， 要成班同學等我地上車。

之前以為Isaac 會驚， 點知佢又無驚喎。真係估佢唔到。

返到家， 第一時間食士多啤梨，真係又紅又甜好好味。Isaac 仲好有滿足感TIM。

下次有機會， 要再去摘士多啤梨先。