農曆年假點滴

這個農曆年假， 我地都一如以往無乜搞作。日日都好安靜咁反轉屋企跟住比阿媽鬧要TIDY UP， 或者都係向屋企附近玩。不過今年農曆年， Claire 有個大進步， 就係終於踩到單車了。哇哈哈， 以Claire 瘦弱的身軀， 之前聖誔同佢落街踩， 踩到Claire 忟哂要用腳YOUNG地行， 事隔一個幾月， 忽然踩得郁架單車。媽媽真替Claire 高興。

踩郁時， 媽媽有錄低少少片架。（按此睇下）

除左踩得郁單車， 呢個農曆年假， Claire 仲學識左比之前更識氹人。無啦啦走黎HUG住阿媽錫錫跟住又話好鐘意你呀。一係見到爸爸就搭哂糖咁款要痴實爸爸。真係冧死人。

冧死人絕招外， Claire 越見百厭。尤其相對哥哥呢個年紀， Claire 真係乜都做得出。好似呢日明明食緊晚飯， 忽然比對腳媽媽睇。咦， 整古做怪。激死人。當然， 哥哥見妹妹穿左一隻腳， 哥哥又好好玩咁幫佢穿埋另一隻。食飯時搞咁多呢D野， 想唔激死媽咪就難。

5 Feb 14 呢兩日， Claire 又忽然好女仔咁摷返個BB公仔出黎去街街。真係好好笑， 話說佢出街， 當正自己係阿媽， BB係佢個女。不停口咁同個BB講， 要小心呀， 到上電梯時， 又同BB講， 小心呀， 行樓梯呀。一係就話， 大個啦， 唔抱你架啦。睇見真係好好笑。

Claire: 行快D 呀， 我地要趕住去睇醫生呀。我有鼻水， BB都有流鼻鼻呀。

Claire: 媽咪， 頭先我去天水圍玩個時， 唔記得帶BB出街TIM。（阿妹真係咁同媽咪講， 真係好笑）
媽咪：哦， 咁下次記住帶BB出去啦。
Claire: 哦， 知道。