真性情流露＠天暉路體育館兒童室內遊樂場

18 Jan 14 原來Claire 認路好叻架。話說呢日媽媽要哥哥自己聽輕鐵站名落車。到左天富輕鐵站， 哥哥仲係一舊云時， Claire 已經問仲乜做唔落車， 仲指住天暉路體育館方向話呢度囉。卒之， 我地搭多幾個站遊車河至黎到。

黎過幾次， 玩到熟哂， Claire 大性情顥露哂， 笑得幾開心！

Claire: 嘩， 我係怪獸呀～～～

Claire: 呢度可以比我盡情咁跑。正呀。

Claire: 好攰呀， 玩左成個鐘， 有D眼瞓TIM。

之後， 我地去左附近M記開餐， 好少食M記既Claire 食到好滋味。平時去M記都唔食包既Claire, 呢日居然吞哂成個漢堡包。果然玩一次室內遊戲室， 放電放到盡。所以要入返充夠能量。

開完餐， 又返去天暉路體育館反多轉。呢次Claire 終於可以自己爬上座山。體力進步左好多呀。叻叻。不過坐左上去山頂， 成個霸王公主咁， 唔比其它小朋友爬上去坐。

Claire: 邊個敢上黎。

Claire: 我唔係霸王黎架， 我其實好淑女架。

Claire: 哎呀～～好重呀～～

Claire: 等我衝落去先～～

Claire: 哈哈， 好開心呀。如果可以日日黎呢度就正囉。