初三去冒險

2 Feb 14 年初三無節目， 我地去左冒險樂園放下電。咁岩又見到Isaac 同學。真係相約不如偶遇。

今次黎冒險， Isaac 有個新玩法， 就係執波後再上滑梯再倒落黎。

同同學仔執得幾咁開心。四萬咁口。

Isaac: 嘩～～～

 睇黎好好玩咁喎。

有人仲玩到傻左， 係度扮乜呢？

黎左咁多次冒險樂園， 好明顯進步左既就係玩呢個氹氹轉。由第一次唔識坐， 到最近坐到， 跟住今次仲要加埋高難度動作。小朋友學野真係快。

Isaac: 我瞓低先～

Isaac: 嘩， 原來瞓低仲正咁喎。

 攬埋波都仲得。勁。

今次黎， 無生日會， 純粹比錢入黎玩。跟住仲要無人開生日會， 所以變相我地玩既空間大左好多。Isaac 終於有機會玩呢條蟲。仲可以拎埋櫃裡邊既玩具出黎。

喪跑都仲得。

原來無生日會既冒險樂園， 係咁寧靜。咁以後放假想去PLAYHOUSE， 可以諗下呢度了。