第一次睇4D

26 Jan 14 呢日我地準備左一連兩日既活動， 我地係去東涌CITYGATE NOVOTEL酒店既LOCAL PACKAGE﹣﹣﹣迪士尼門票入宿。不過我地諗住周日迪迪尼會多人， 所以我地留返翌日至去迪迪尼。第一日就HEA HEA地入機場食個飯跟住諗住睇下飛機展順便比哥哥試下玩個駕駛倉。點知去到， 原來所謂既飛機展好細架咋。只係可以比未上機既人磨下時間就得。好似我地咁， 專程去就真係好唔值。

Claire: 快D 跑去玩囉。

 飛機展好細既一偶， 比人坐到爛哂都無維修， 唉。

Claire: 快D去玩啦。又唔係真係坐飛機， 坐係度做乜姐。

 好在， 呢度有間叫做4D的 IMAX， 係呢程失望既行程中， 叫做有D世藝。不過套片真係好麻麻囉。迪迪尼套4D仲迫真過佢。唉。

Claire: 唔緊要啦， 當比我第一次睇4D囉

 悶左一場， 最後索性返酒店CHECK IN。入到間房， 都唔差。

望正日落。

個浴缸對正張床， 岩情侶多D。

全日行程， 最開心既戲肉而家至真正開始。睇下Claire 玩到幾咁開心。

呢個角度， 影到Claire 塊臉仔變左圓咕碌。

嘩， 做乜酒店出現左個無頭人架。

另一戲肉， 就係落去食BUFFET。以前好多人讚呢度BUFFET平靚正。正唔正就唔敢講， 不過平就係平既。以二百幾蚊， 唔好要求有太多野食。不過都食到Claire 滯哂。

Claire: 幾飽都要吞左呢粒朱古力棉花落肚呀。

Claire: 嘻嘻， 你影相呀？

Claire: 等我扮下斯文比你影返張先啦。

Claire: 唔， 好味道～～～

Claire: 媽咪， 你影咁多， 最緊要揾張夠靚既至好POST呀。未抺咀個D唔好POST上去比人睇呀。

食完BUFFET， DAY 1 行程就結束。最開心就係反轉酒店房， 同埋呢個朱古力棉花糖既BUFFET了。