又去放電＠冒險樂園

2 Feb 14 最近我地成日去冒險樂園， 真係多過出荃灣麗城既PLAYHOUSE。無他， 計埋車錢同時間， 去冒險樂園任玩全天， 好似抵過千里迢迢出去巿區玩。所以呢日新年無節目， 我地又黎冒險一下。

黎慣黎熟既Claire， 好明顯已經熟哂駕步， 連動作都成熟左好多， 唔駛再要大人扶住。真係同以前差好遠。

無小朋友陪佢玩， 一樣可以玩得好開心。

Claire: 不過我暗地裡其實好想有小朋友陪我玩架。

 次次黎冒險樂園都超多人， 今日比真金白銀入黎玩反而少人。Claire 終於可以全心全意玩煮飯仔， 唔駛比人迫走。

Claire: 媽媽， 我煮野比你食吖。

Claire： 你係咪要熱奶茶呀？

Claire: 等我專心沖杯好味既奶茶比媽咪先。

Claire: D 野就黎食哂啦， 我要去超巿買餸

Claire: 咦～～～哥哥整到我隻手呀～～～

 煮完飯就左去玩。一如以往， 比哥哥揩到少少就借機發揮扮嗲或者大喊。媽媽真係頂佢唔順。

雖然係咁， 但Claire 又好鐘意學哥哥架喎。嗱， 呢個咁DIRTY既行為， 就係學哥哥的。真係好多菌架， 阿妹。

Claire: 吖， 波波唔好飛呀， 我想捉你呀～～

Claire: 哈哈， 捉到你了。

其實雖然係全日任玩， 不過我地咁多次， 都係玩個幾鐘已經夠哂皮。回程真係謝到無人有。屯門有呢種地方都係一個好既放電選擇黎。