開心的一晚

26 Jan 14 呢日我地諗住遠訪機場個飛機展順便去玩下個試駕室， 點知超失望。唯一有野影下， 就係兩截仔既飛機單座。其中一截係好耐之前既飛機倉。黃燈加埋古舊既機倉， 令Isaac 好驚。

Isaac: 會唔會有烏鴉架？

 既然無野玩， 我地索性睇完IMAX就返酒店瞓。由細到大， Isaac 都係一樣， 入親酒店房就超HYPER。二話不說一個唔該都無， 自動彈左上床。

Isaac: 我幫你地試下個枕頭舒唔舒服咋嘛。

次次瞓酒店， 張床唔可以EXPECT好乾淨。因為 Isaac 會好快手咁反轉張床。

係酒店反到癲哂。我地落去樓下食BUFFET. 主角梗係朱古力噴泉啦。哈哈。大個仔既 Isaac 呢次仲話要自己出去拎野食， 唔駛媽咪陪。

爸爸：做乜你個咀咁架？

Isaac: 我食梗朱古力棉花糖吖嘛。

平時食BUFFET都咳， 難得呢日無咳。梗係搏命咁食， 前前後後都唔記得拎左幾多串朱古力棉花糖了。呢度有白朱古力同朱古力， Isaac 都係鐘意傳統朱古力多D。

呢日食BUFFET， Isaac 應該好開心， 因為之前未知要食BUFFET時。Isaac 已經同媽媽講， 佢想食BUFFET， 話好耐無食過喎。其中佢最記得就係朱古力噴泉， 哈哈。咁岩呢間又有， 所以開正佢個範。