24 Jun 14 呢日， Isaac 因鼓隊關係， 被學校要求出席東華三院小學搞既交流日， 即係媽媽要呆坐一個早上， 為既就係睇愛兒表演。
好在鼓隊通常係第一項表演既項目黎。不過Isaac 好似好眼瞓咁囉， 全程木無表情咁。
今次鼓隊少人左， 得一行咁大把。原來有部份同學被挑出表演個人朗誦項目， 同埋彈琴。Isaac 容易認， 因為佢企最右邊。
一臉認真， 似乎除左打鼓， 真係無乜邊個活動， Isaac 係可以咁專心既。
去片（一） 原來呢個叫DRUM SOLO。媽媽仲以為完左， 所以停左。
所以有片（二）
嘩， 睇下，完結呢個動作， 幾咁型。
齊聲BYE BYE都夠可愛， 好多家長即刻笑出黎。
例牌節目， 就係每次鼓隊表演完， 都會同芷卉一齊合照。不過今次好似係最認真既一次合照黎。
難得呢日唔駛返學， 下午又無野學， 媽媽又唔趕時間， 所以我地同埋同學仔一齊去LUNCH。不過點解食飯前， Isaac 已經急不及待食餅餅呢？ 但 Isaac 好好， 成包餅只食一塊， 其它分哂比同學食。媽媽真係好欣賞佢呢樣野。
去平時食飯個間餐廳食， 咁岩又撞到劍擊舊同學仔， 不過無損 Isaac 專心揾玩具既興致。
芝芝七月離港了。難得呢次食飯， 梗係同芝芝影返張合照。
不過芝芝拍埋 Isaac , 通常都無一張正經相。
 |
| 芝芝： 唉， 我暈啦， 又係咁無厘正經～～～ |
睇住成班同學由K1到而家就黎K2暑假， 大家都好似大個左好多咁。同埋成熟左好多， 睇黎大家都迎接住出年升小學了。
