同齡相伴 ＠ 冒險樂園

30 May 14 呢日我地趁FREE VOUCHER 最後限期， 迫左Claire 好快恰左一陣叉電後， 媽媽就摷醒佢起身出發去冒險樂園瘋狂下。

未瞓醒既Claire， 一臉呆滯， 跟媽媽玩掟波波。

玩到咁上下， 見到個超大波， 追住黎玩， 至開始現少少笑容咋。終於都瞓醒了。

Claire: 媽媽， 睇下我， 壓住左個波呀， 哈哈～～

Claire: 喂， 媽咪， 唔好再影喇。 

睇見 Claire 由木口木面，玩到笑口盈盈， 媽媽都覺得好開心呀。

Claire: 喂， 波波， 你唔好走呀。

Claire: 哈哈， 我好搞笑呀。影比爸爸睇下吖！

 但點解， 好似玩到個樣都唔同左咁既？

後黎， 係冒險樂園到， 碰到一個且樣三歲既小女孩， 原來同Claire 相差一個月咋， 嘩， 點解身形好似相差咁多咁既？？

年紀相若既小朋友， 玩起上黎， 默契都好D。

Claire: 媽咪， 我想同個位小朋友玩吖。

Claire: 我扮幪面超人嚇佢先

Claire: 哈哈， 點解嚇唔到個小朋友架？？？

 黎過幾次既Claire, 平時人多到屎。今日難得無乜人， 一於捉 Claire 坐呢個轉轉轉。終於坐到幾秒了。不過稍為比人大力一推， Claire 就會好快跌低。唔緊要， 相信日子有功， Claire 會好似哥哥一樣， 咁駕輕自如了。

Claire: 真係會？？？

Claire: 咁我唔玩氹氹轉啦， 難得我今日碰到個年紀一樣既小朋友， 同佢玩下好過。

Claire: 嘩， 咁多波， 我點入黎呀？ 

有同齡相伴， 玩都玩得放D。兩個不約而同擘大口。

Claire: 好好玩呀媽咪～～

到同哥哥一齊SIR， 睇下Claire 幾咁貪心～～～

睇Claire 頭髮就知呢條梯滑得有幾快啦

碰一聲， 影到呢個蝦碌鏡頭。媽媽開頭仲話Claire, 唔應該喊， 因為佢貪心， 手拎咁多野SIR 滑梯。後黎見到錫佢既哥哥走去話個小朋友， 原來～～～相片上方係另一個小女孩， 夾硬推Claire 落滑梯。搞到Claire 瞓左係底爆喊。最好笑係， 個家長睇見， 都無出聲， 直到哥哥走黎媽媽身邊講話已經話左個位小朋友了。媽媽至知， 原來係小朋友推跌Claire， 咁跟住媽媽問哥哥， 但點解人地無講SORRY架～～～比佢媽咪聽到， 佢媽咪至叫個女仔同Claire 講SORRY。真係奇。唔通個家長覺得小朋友推撞令到人地跌落滑梯底爆喊係一件平常事？

呢日我地好開心呀， 玩到接近七點至走（其實都玩到兩個鐘既）。臨尾， 簡直包場咁滯， 剩返Claire 同哥哥咋。

Claire: 媽咪， 不如我地呢埋係度吖？ 呢度係屋企黎架。

睇住Claire 一日大過一日。體能敏捷好多， 媽媽真係好安慰。雖然佢體形細小， 不過敏捷補返數。

遲D等 Claire 平日放假， 又帶佢黎放下電先。