任玩充氣彈床

2 Jun 14 端午節， 我地無玩龍舟水， 改去跳彈床。皆因屯門有個免費既充氣彈床日。地點又唔遠， 梗係比細路去放電啦。

睇下Claire 笑得幾咁開心。

Claire: 點解我成日企唔穩架， 哈哈哈!！！ 

Claire: 哥哥呀哥哥，你見我咁細粒， 個樣又咁可憐， 不如比我入去跳先啦。我等左好耐架喇!

 好在呢個嘉年華唔駛錢， 否則真係咁跳法， 好快無左一隻金牛。加上人唔多， 雖然係好熱好焗， 但好快又上到另一個彈床， 大人可以企係大風扇前邊吹， 細路就搏哂老命跳。所以熱係熱， 但佢地都熱得開心。我地有得吹住，就熱得無咁辛苦。

Claire:我係生得細粒姐， 都唔駛咁保護我呀～～～我體能無問題架喎。

 話說呢條梯， 之前工作人員仲問駛唔駛家長陪入去， 因為怕Claire 太細個， 爬唔到上去喎。點不知咪話咁快， SIR左幾次落黎。仲快趣過哥哥。

Claire: 媽咪， 我入去打原始人喇。你唔駛擔心我架。

Claire: 見大家仲排緊上去， 我爭取時間跳多兩野先～～

 跳到忘哂形， 跳埋過隔離都有， 真搞笑。

之前玩充氣彈床， 傳統都係一條滑梯。估唔到， 呢度會有座好似轉轉木馬咁既充氣床。好搞笑。可惜無影全相。裡邊就真係圍住幾隻馬任坐。

好搞笑， 呢D馬仲可以左搖右擺。郁黎郁去。不過細細粒既Claire, 好明顯有點怯。

Claire: 媽咪， 點解隻馬好似企唔穩咁既？