酷熱天氣遊海洋公園

31 May 14 呢日超級勁熱， 真係熱到無人有。成三十幾度， 難得爸爸仲堅持去海洋公園， 媽媽梗係身體力行力撐。

一去到， Isaac 又玩呢D兒童遊戲。

本來爸爸話睇熊貓， 點知途中比間新開既海馬館吸引左， 爸爸就帶頭入左去了。

呢間海馬館都幾特別， 有別於以往海洋公園淨睇既模式。呢間海馬館比我地可以玩互動遊戲， TOUCHSCREEN遊戲等等。不過眼瞓既 Isaac, 玩遊戲都依然好似未瞓醒咁樣。

搞完一輪海馬館， 我地又出發去睇魚了。例牌摸下海星先。

Isaac: 似唔似有隻八爪魚搭住我個身呀？

之後， 我地又係例牌去個兩間食LUNCH。今次諗住就海洋劇場表演時間， 我地近近地係返水族館隔離間餐廳食。點不知比人包左半個場開生日會， 激死。搞到剩返個半場位呢， 等左我地成個鐘（其實媽媽 12 點未到已經抱住瞓緊覺既妹妹去等位架啦， 都要等一個鐘， 死未）。等既期間， 最開心， 梗係 Isaac 啦。

不停咁跳上跳落。岩哂佢好動性格。

跳跳下仲變左死屍咁瞓TIM。

食飯關係， 又要等咁耐， 最後我地放棄睇海洋劇場。就咁去睇企鵝同海象算。呢兩兄妹， 全日最可愛既模樣， 就係同北極熊公仔影相既時候。

其實睇完一大輪野， 兩兄妹都已經好攰，而且又晏。不過爸爸仲話去兒童王國比佢地放電。吊車往兒童王國途中， 實有呢堆生果小販。

Isaac: 好靚既西瓜呀， 有無人要呀？

Isaac: 喂， 呢個西瓜真係好甜架喎。

Isaac: 個邊既小姐，過黎睇下D 生果吖。

成五歲既 Isaac, 去公園都唔敢玩呢 D 郁郁下既野。不過呢次比爸爸氹到佢玩喎。

Isaac: 嘩， 我終於都得左喇。

Isaac: 等我又試下“欖”過去先。

次次黎海洋公園都著波鞋， 今次著對拖鞋黎， 真係“鄧” Isaac 一步一驚心。

Isaac: 你唔知我好小心既咩？ 其實我係超人黎架，我唔會跌架喎（成日都咁話自己係超人）

臨走， 都要影返張相。不過兩個一齊攰既樣， 特別相似。

返到家， 其實都八點幾了。難得只有妹妹仲有精神食晚飯， 而 Isaac 一返到去沖完涼， 已經撻左上床瞓著左了。超快速。唔通 Isaac 咁大隻係因為快瞓著？？