屯門充氣嘉年華

2 June 14 無意中係屯門友人既FACEBOOK見到屯門嘉智中學呢日有個免費充氣彈床日。唔駛錢喎， 梗係去啦， 又近。因為平時出邊搞既充氣嘉年華， 講梗係幾十蚊玩五分鐘定十分鐘咁。所以，反正我地住屯門， 又有時間， 一於去撐場。

不過好熱囉。三十幾度又熱又焗， 我地下午三點幾至去到。一見到室內球場有個彈床唔駛排， Isaac 即彈左上去跳。

Isaac: 嘩， 好好玩呀， 你都快 D 入黎啦。

 其實搞手唔係嘉智中學， 而係唔知乜野KIDS FUN， 好奇怪， 又無宣傳要人買佢野， 仲搞左個FREE 既遊戲日比小朋友， 媽媽真係服左呢間公司。ANYWAY， 之前講明每個小朋友手上有記號， 玩過一次無得再玩。但事實上我地個日， 係無限玩囉。所以， 我地跳完又跳。真係玩到癲。

呢D 至係 Isaac 真正笑容。四萬咁口。同平時要佢笑黎影相， 爭幾遠。

 不過咁熱天時， 係室內個張彈床就舒服姐。Isaac 居然連戶外既彈床都唔放過。咁熱仲要坐上去猛咁SIR 滑梯， 媽媽真係好服小朋友。乜唔熱既咩下？？？

Isaac: 你唔好影我啦， 你快 D 坐個邊吹風扇啦。

 咁多個彈床， 媽媽覺得最特別係呢個， 成座轉轉木馬咁。裡邊無滑梯， 只得圍住馬幾隻。不過夠哂班小朋友開心。睇下 Isaac 騎到見牙唔見眼， 就知好開心啦。

Isaac: 隻馬好搞笑呀， 會郁架～～～

最後， 我地玩到五點幾， 就迫住要走， 因為趕住下場端午節同婆婆食飯嘛。否則， 呢個細路實玩到人地收場都唔願走。