FREE PLAY ＠ JUMPINGYM

27 May 14 繼之前個日要出到伊館表演後， 翌日即係呢日， Isaac 全校補假， 不過妹妹就要返學。所以， 媽媽一早同 Isaac 送左妹妹返學後， 我地兩母子齊齊去圖書館聞下書香。之後， 計岩時間， 即刻搭車去蝴蝶村冒險樂園。可惜去到， 居然係全場大清潔喎。呢日全日不開放彈跳迷宮， 激死。好在 Isaac 好生性， 無失望到喊。只係好失望咁。媽媽就破例比佢玩十個金幣咁大把， 哇卡卡。

咁岩呢個月， 冒險樂園會員， 可以FREE PLAY 一節彈跳迷宮。媽媽即刻換飛， 再搭車去卓爾居玩呢節FREE 既彈跳迷宮。我地包場架， 因為全場得我地一個小朋友， 正。不過 Isaac 就麻麻地鐘意， 因為無小朋友陪佢玩喎。

一去到， 唔知點解唔係去玩滑梯， 而係不停咁掟波。

好專心咁望住個黃波入唔入洞架。

再接再勵。

後黎， Isaac發現左個奸計， 就係响下邊拋返個波上去， 隻獅子就會叫。

 跟住出矛招既 Isaac 就勁興奮。係咁話， 有聲架～～～

Isaac: 等我游下水先～～～

Isaac: 不如一齊游吖！

 叫左好耐， Isaac 卒之肯玩一次滑梯。不過睇佢身高比例， 好似呢個滑梯唔岩佢玩咁喎。

 不過一跌落黎， 咁多波波圍住， 點都開心掛。滑梯短D唔梗要啦。

最後， Isaac 終於肯坐呢個氹氹轉， 一展身手。

由舊年年尾第一次黎， 唔識玩， 玩左大約三次後上手， 而家到好似玩花式咁。Isaac 身手係進步了。

單手扶住黎FING 自己。

成個身彎哂向下又得。

包場關係， 一個人獨霸成個氹氹轉， 所以 Isaac 可以玩埋隔離個舊， 向難度挑戰。

玩到尸竹山， 見到堆BB車， 又要學人坐。不過媽媽勁驚佢會坐爆囉。

 跟住又要坐呢架車， 更顯擠迫。

 臨走， Isaac 不忘叫媽媽影返張相， 話係扮呢埋喎。哈哈。唔通佢變左駝鳥？

雖然FREE PLAY得廿分鐘， 不過 Isaac 都一臉滿足咁離開。真係聽話了。所以， 媽媽奬佢食葡撻， 作為佢呢日無得狂玩既奬勵。