愛閱讀

又係時候清下手機既積存相了。揾到最近最可愛既相， 應該係五月頭影了。

話說呢日放學後， 媽媽食緊LUNCH， 而Claire 就已經食完哂佢既LUNCH， 無野做無人陪之下， 忽然的左隻狗出黎（本來隻狗長駐電視前側， 裡邊係放紙巾）。

 跟住， 媽媽聽到Claire 好清晰咁同隻狗講： 汪汪， 我地睇書喇。

之後， 事情就發展到咁。媽媽有點汗顏之餘， 仲覺得Claire 超級可愛。日日夜夜都鐘意拎住本書黎睇， 唔通Claire 遺傳左媽媽性格？ 係就好了， 咁鐘意睇書， 語文差極有限。對佢日後讀書好有幫助。希望你可以KEEP住呢種愛閱讀既習慣。

Claire 雖則無時無刻摷到成地書， 把自己埋沒係書堆中之外， 其實仲好好動。好似呢日咁， 無啦啦趴係地下。媽媽問佢做緊乜。Claire 一臉得烕咁講： 我游緊水呀。

哈， 又幾似架喎。唔知遲下的你去學游水， 又會變左乜野樣呢？