孝順仔

其實 Isaac 自小都好孝順。只不過年齡越大， 意見越多， 有時好似好唔聽話咁。但媽媽知佢本質唔壞的。好似而家返學咁， 最鐘意分組時間， 因為可以去諗勞作造比媽咪。媽咪由 Isaac  K1 開始， 都收到佢不停黎既勞作仔。

講最孝心， 莫過於造錢比媽咪。Isaac 知媽咪無返工後， 成日話無錢錢。所以， 有日， Isaac 放學好開心咁同媽咪講：我整左好多錢比你呀。嗱～～～好野， 你有好多錢喇。跟住塞哂落媽媽手裡。真係好可愛呀。

手寫銀碼， 反轉， 其實係手工彩色紙黎。居然可以比佢剪到細細張長方形， 扮係錢咁。

有時唔知真定假， 一無分組時間個日， 佢就唔開心。話無得設計勞作比媽咪喎。話係咁話囉， 但呢兩個月， 媽咪一鬧 Isaac 時， Isaac 就發哂脾氣話呢個禮拜都唔整勞作比你呀， 哼～～～

小朋友既說話同心境， 真係好可愛。雖然 Isaac 未返工， 但佢返學都記得要揾錢錢比媽媽， 媽媽已經好開心， 領會到佢孝心了。 希望 Isaac 大個後， 明白到媽媽有時鬧佢， 係想佢好啦。