海洋公園放電

31 May 14 呢日曬到暈， 我地居然去海洋公園。話就話熱， 但其實熱左一日， 又覺得未算最熱， 哈。

不過大熱天時， 怕曬既媽媽， 當然係遮不離手。

Claire: 哎呀， 好熱呀～～～

Claire: 等我飲返啖水先再行過啦。又熱又曬。我好攰呀～～

 沿途， 比我地發現左新既海馬館。爸爸即帶頭入去。本來成場都KEEP住好眼瞓既 Claire , 入到海馬館， 有個海馬姐姐係咁同佢講野， Claire 啋都唔啋人， 眼尾都唔哨人一眼～～～直到呢個咁七彩既哥哥出現， Claire 卒之精神哂。對眼不停跟住佢走， 果然係異性相吸。

Claire: 我要含蓄D， 唔可以笑到出哂面既。

 之後， 我地去海洋館間餐廳食飯， 等位時， 天氣咁熱， 呢埋係度玩真係唔錯。

Claire: 不如直接留係度玩， 唔出去行啦。

 我地之後去海洋館LUNCH， 個餐包幾好味咁喎。個皮脆脆地， 岩哂Claire。

Claire: 唉， 我唔理喇， 我好肚餓。拿拿聲食先。

Claire: 咦， 乜你影緊相架。咁我笑下先啦。

 之後， 一如以往， 我地坐海洋列車上山。有人興奮到爆咁。

上到山個北極館， 少有地見到海獅。女仔性格既Claire 二話不說走埋去捉住公仔影相。真可愛。

Claire： 我呢個POSE仲可愛啦。

Claire: 其實我似唔似日本妹LOOK姐？

Claire： 你地好得意呀。好可愛呀， 仲可愛過我呀。

 臨走， 我地去兒童王國玩， 第一樣玩既係跳彈床。不過有排等。咁熱天時入去跳密封既彈床， 媽媽真係服左呢班小朋友。

Claire: 咁耐都未到我架～～～

Claire: 好野， 卒之輪到我玩了。

 跳左成三次彈床後， 跟住轉戰滑梯。媽媽見到呢座攀架， 估到Claire 實爬上去。果然二話不說， Claire ‘DOU’個圈都要走去呢個攀架到， 好快速咁爬上去。完全唔駛人幫。都完全唔覺自己有機會跌低。

Claire: 快D 啦哥哥， 等你一齊去玩滑梯呀。

 當哥哥仲爬緊上斜坡時， Claire 已經衝跑上去。真係唔可以睇少佢細粒既身型。

Claire: 唏， 我唔可以輸比你既， 我跑快 D。

雖則咁講， 但其實Claire 而家好錫佢哥哥架。有時見哥哥喊， 佢都會走黎呵返佢。仲有， 成日幫哥哥袋埋手巾仔出街。真係照顧周到。

睇呢幅相， 就知兩兄妹有幾咁情深了。