忍唔到口

又摷返手機舊聞黎數下衰妹先。呢件事發生係六月初。話說呢日， Claire 發燒了， 幾日都唔返得學。咁媽媽梗係去接哥哥放學啦。放學返到屋企， 見到Claire 好似有D野咁， 但佢又唔出聲。工人同佢眼望望， 隔左一陣， 工人卒之拎左呢合野比我睇， 話Claire 偷食哂喎。

媽媽梗係心急，明知自己發燒， 都仲唔忍口， 仲要偷食朱古力。平時媽媽係唔比佢地立亂拎糖果食既，加上平時媽媽自小教落， 病時要戒口。卒之呢日， Claire 兩樣都犯齊。真係傷透媽媽心。可能媽媽心急， 不自覺把聲浪提高， 於是， 又有人先發制人。

Claire: 遮住對眼扮喊先～～～眼淚呀眼淚， 快D 出黎啦！

Claire: 點解捽極都未出黎架，好心急呀～～～

Claire: 哇哇哇～～～～快D 出快D 出～～～媽媽， 你見唔見到我好可憐呀。你唔好鬧我呀！

之後， 估下媽媽有無鬧？ 媽媽一視同仁， 梗係要話佢， 見佢咁“喊”， 一於的左佢去門口企到收聲為止， 先再慢慢教佢。唉， Claire 你咁忍唔到耐力， 點算呀？？！！！ 知道嘛， 媽媽成日教你地要忍忍忍， 忍口到某個時刻至奬你地， 其實係延遲滿足你地， 若然你地做到， 日後大個成人， 做野失敗極有限。因為你地既意志， 已經自小被媽媽努力咁培養出黎， 大個無咁易半途而廢架。希望你大少少會明白啦。