賀爸爸牛一



11 Aug 14 爸爸牛一, 不過要返工, 所以媽媽夜晚帶兩個小朋友出去食飯. 路經呢隻野, 女仔既妹妹主動要影相. 仲要擺埋POSE, 唔知係特登吖, 定無意擺POSE 呢可?





今次生日飯地點係HYATT, 貪佢小朋友六歲以下免費. 五星級酒店BUFFET食過唔少, 但數尖咀呢間HYATT 最舒服最GRAND .睇下佢埋牆既裝飾, 令人好RELAX 好有屋企FEEL. 仲有係每張枱既餐凳都好巨好舒服個種. 座位又唔迫, 下次再食BUFFET, 會係首選再考慮呢度食.

 

爸爸遲黎, 我地三母子女開餐先. 一經過冷盤COUNTER, 哥哥見到呢隻巨龍蝦, 係咁話要食. 真係好巨囉.

媽媽夾埋長腳蟹, 呢度有個好, 就係開埋邊剪埋, 食客唔駛點郁十隻手指都食到.

Claire 食舊蟹鉗放入口吮, 認真識食.

哥哥就學人撩肉食.

Isaac: 我第一次食長腳蟹咋~~~

 Isaac 一啖食左, 大叫好味呀~~~於是不停進攻冷盤海鮮.

睇佢幾專心咁拆肉食. 平時食野邊有咁專心吖.

最令媽媽另眼相, 係呢度有呢款冷盤食. 好少自助餐會有供應.

Claire 就獨愛呢味炸蝦天婦羅.

 

 呢度甜品入哂櫃, 雪糕要ORDER 比人筆. 一D都唔似自助餐. 搞到媽媽見到都無逐件試TIM.

少有自助餐供應既軟雪糕, 仲可以任筆M&M TIM.

好H 牌既綠茶雪糕. 可惜係叫人筆, 否則媽媽都想筆多幾球黎食.

阿仔食左無耐, 放棄甜品, 去揾周公. 九點都未到, 嘥哂.

餐飲一杯菊花茶, 送上一小樽蜜糖同一大壺菊花水. 真係飲唔哂. 不過好欣賞, 感覺都係好RELAX 既一餐BUFFET.

不過辛苦壽星公爸爸, 匆匆忙忙趕黎食, 食完仲要行去公司渣車返歸. 生日都無得休息呢. 希望出年生日, 爸爸可以休息一天吧.

汗流風之谷公園

10 Aug 14 呢日我地跟仁愛堂社區中心一日遊, 去左鴨脷州既風之谷公園. 不過好熱囉. 但無損Isaac 玩樂既心情, 一去到, 仲做姑厘搬石頭TIM. 

Isaac: 哎呀~~~快D 黎幫手啦, 好重呀.

 呢個姿勢, 好可愛呀~~~

Isaac: 搬到好攰呀, 等我攤上去休息下先.

 其實Isaac 帶帽幾好睇, 好SMART 咁. 可惜佢成日話熱, 唔肯帶.

Isaac: 媽咪, 我似唔似樹熊呀?

 細路仔唔怕熱, 睇下Isaac 不停咁郁就知.

跑呀跑呀, 最愛跑草地. 著住拖鞋照跑可也.

 

今日節目有自助午餐同埋抽奬.

Isaac 出奇地要左把扇. 估唔到佢寧願要扇都唔選玩具. 唔通佢似媽咪, 實用為主?

 

 之後, 我地一齊坐街渡過對面香港仔中心坐車去赤柱.

去到赤柱, 見到呢位有模有樣既大叔扭波, Isaac 見妹妹有馬蹓, 佢自己都要埋一份, 不過係要蛇囉.

其實蛇咁簡單, 唔明點解Isaac 要蛇唔要單車個D. 不過唔緊要啦, 最緊要係佢自己選, 無得怨人.

雖然好熱好攰, 但兩兄妹都異口同聲話好好玩. 咁即係出年暑假要再報團啦.

熱遊風之谷公園

10 Aug 14 呢兩年暑假, 例牌節目係親子遊. 呢年暑假不例外, 今年第一個節目係參加左仁愛堂既鴨脷州風之谷公園 + 赤柱呢兩個老年咁遠好日都唔會去既港島 . 包埋自助午餐都係一百蚊位, 媽媽計過, 自己渣車去, 食埋飯都係咁上下價錢, 而家唔駛自己渣咁辛苦, 呢一百蚊都值既(因為妹妹都要比錢, 不過平廿元). 所以咁熱既天氣, 我地都去旅行了.

 

嘩, 真係好好好熱呀. 溶咁滯. 呢個叫鴨脷州風之谷既公園, 主要係一條海滨長廊, 有少少古代漁民用既"時鐘" 即日儀.

 

呢個公園, 遠觀不少傳統漁船.

Claire: 好熱呀~~~做乜黎呢度姐?
 

 點知一見遊樂場, 即四萬咁口. 變哂樣.

Claire: 好野, 有野玩呀.

Claire: 媽咪, 呢度有好多野玩呀.

 呢D 咪叫不估儀態既小公主囉.

Claire: 我唏~~~~

 古代漁民用黎睇時間既時鐘.

熱呀熱呀好熱呀, 但無損呢個小朋友不停走既興致.

玩完去食飯, 中心安排左小朋友有抽奬.

Claire: 唔, 要邊樣好呢~~~

 最後, Claire 自己選左呢袋玩具.

 至於呢個自助餐, 真係不值一提, 實在媽媽未食過咁既自助餐囉. 野食唔夠, 無野可食, 白飯, 香腸, 意粉, 魚旦, 好燶既春卷咖喱角仲有好厚粉既魚柳. 好好好限量既迷你啫喱杯. 唉~~~筆左一輪比小朋友已經所餘無幾. 好在之後我地可以去赤柱自己再食過姐.

食完飯, 自費活動係比兩蚊坐街渡. 沿路觀賞下海上既居民生活.

媽媽好明顯老左好多咁. 唉~~~歲月催人.

落左船, 我地出發去赤柱, 一落大街, 見到子多扭波攤檔. Claire 即刻要買呢隻馬蹓.



Claire: 馬蹓馬蹓, 我帶你返屋企吖, 好無呀?



呢隻馬蹓, 多謝四十元, 不過搭車走個時, 已經開始漏氣囉. 因為隻馬蹓係整定, 唔係即吹.  

反而哥哥條即吹蛇, KEEP到兩三日. 下次唔好貪快唔等, 反正價錢一樣, 點都要即吹抵D.

熱到變哂樣既Claire, 今日滿載而歸, 又食又拎又玩. 雖然熱, 但兩兄妹都話好開心. 咁就值了.

親子造曲奇

暑假期間，最好既節目就係親子下廚。不過今年暑假好好好忙，都無好似舊年咁好心機成日整野食。係呢次同小朋友去完COOKING LAB，剩左舊曲奇粉糰，翌日就比兩兄妹玩下印模曲奇。大個女既Claire，而家好鍾意幫媽媽下廚，成日幫媽媽搞包包既面糰。而家有得比佢名正言順坐正碌曲奇喎，梗係四萬咁口啦。

Isaac: 我要碌薄D先。

至於Isaac，今年無舊年暑假咁鍾意幫手整野食，可能同媽媽一樣，忙住周圍去上堂。難得呢朝係屋企，Isaac 都肯坐定定印下模。不過天口熱，D粉糰好快溶，搞到印模有難度，令到 Isaac 好有挫敗感，印左一半放棄左，自己走左去玩。

淨返妹妹一個，好努力咁印下碌下印下碌下。都話媽媽好欣賞佢呢種不放棄既態度架啦。

Claire: 等我用力D印先。

 好快整左堆曲奇出黎，呢幾塊，係特別比鄰居樂樂食既。因為之後一齊上彈床班嘛。

諗返呢個暑假真係無乜親子煮食咁。希望下個假期，會好好利用一下黎整野食。