賀爸爸牛一



11 Aug 14 爸爸牛一, 不過要返工, 所以媽媽夜晚帶兩個小朋友出去食飯. 路經呢隻野, 女仔既妹妹主動要影相. 仲要擺埋POSE, 唔知係特登吖, 定無意擺POSE 呢可?





今次生日飯地點係HYATT, 貪佢小朋友六歲以下免費. 五星級酒店BUFFET食過唔少, 但數尖咀呢間HYATT 最舒服最GRAND .睇下佢埋牆既裝飾, 令人好RELAX 好有屋企FEEL. 仲有係每張枱既餐凳都好巨好舒服個種. 座位又唔迫, 下次再食BUFFET, 會係首選再考慮呢度食.

 

爸爸遲黎, 我地三母子女開餐先. 一經過冷盤COUNTER, 哥哥見到呢隻巨龍蝦, 係咁話要食. 真係好巨囉.

媽媽夾埋長腳蟹, 呢度有個好, 就係開埋邊剪埋, 食客唔駛點郁十隻手指都食到.

Claire 食舊蟹鉗放入口吮, 認真識食.

哥哥就學人撩肉食.

Isaac: 我第一次食長腳蟹咋~~~

 Isaac 一啖食左, 大叫好味呀~~~於是不停進攻冷盤海鮮.

睇佢幾專心咁拆肉食. 平時食野邊有咁專心吖.

最令媽媽另眼相, 係呢度有呢款冷盤食. 好少自助餐會有供應.

Claire 就獨愛呢味炸蝦天婦羅.

 

 呢度甜品入哂櫃, 雪糕要ORDER 比人筆. 一D都唔似自助餐. 搞到媽媽見到都無逐件試TIM.

少有自助餐供應既軟雪糕, 仲可以任筆M&M TIM.

好H 牌既綠茶雪糕. 可惜係叫人筆, 否則媽媽都想筆多幾球黎食.

阿仔食左無耐, 放棄甜品, 去揾周公. 九點都未到, 嘥哂.

餐飲一杯菊花茶, 送上一小樽蜜糖同一大壺菊花水. 真係飲唔哂. 不過好欣賞, 感覺都係好RELAX 既一餐BUFFET.

不過辛苦壽星公爸爸, 匆匆忙忙趕黎食, 食完仲要行去公司渣車返歸. 生日都無得休息呢. 希望出年生日, 爸爸可以休息一天吧.