Elements 公園放電記

9 Aug 14 呢日我地約左姨姨去103 CAFE 食 HIGH TEA，反正出開ELEMENTS，媽媽索性帶埋兩兄妹去個度既平台放下電。一提呢個公園，兩兄妹不知幾鍾意。

一上黎，Isaac 即衝埋去呢座高高既塔到爬。

爬得高，SIR得快。咁刺激，不知幾咁HIGH。

Isaac: 好好玩呀～～～

BB時代既 Isaac, 好鍾意企係呢個鐵網到"挫"，嚇到人地BB 唔敢郁。不過大個左既 Isaac, 輪到佢自己好驚行呢D 鐵網囉。

Isaac: 簡直一步一驚心呀。

Isaac: 媽咪，睇下我幾勁。

之後，Isaac 見妹妹走左去呢度玩車車氹氹轉，Isaac 好清楚記得媽媽講過玩乜要一齊，因為媽媽得一對眼。所以，Isaac 主動走埋去一齊踩。

踩踩下其它小朋友彈走哂。Isaac 見妹妹唔開心，於是又走返埋黎陪妹妹一齊玩，認真好哥哥。

之後，輪到玩Isaac 鍾意既氹氹轉。其實 Isaac 本身係一個好孩子黎，就算玩自己鍾意既玩意，都係比妹妹玩先。仲出力推郁個圈比妹妹玩TIM。 （去片）

第二次黎呢度玩，Isaac 開始想挑戰自己，試下企係呢個轉到玩。

雖然好似想企咋喎，但其實一有小朋友衝埋黎想一齊踩呢個氹氹轉，Isaac 就會好安全咁落返黎，因為佢驚自己會跌吖嘛。

玩到咁上下，我地正式去主題－－ 就係上 103樓食 TEA。食之前去洗手間洗下對手，順便欣賞下個無敵海景。

Isaac: 廁所唔比影相架喎！

一去完洗手返埋位，嘩，成箱CAKES放左係枱，岩哂兩兄妹啦。

有人一拎起手，就係呢杯甜品囉。媽媽一啖都無食過呀。唔知邊個呢可？

Isaac: 係囉，邊個呀？

Isaac: 嘩，睇下我，夾旦糕呀。

Isaac: 哈哈，睇下我幾叻。

最後我地兩個大人兩個小朋友，叫左三份TEA囉。其實媽媽懷疑呢個小朋友已經食到飽哂。但都仲要夾硬食加埋大嚷肚餓。

Isaac: 唉，好飽呀～～～

食飽飽，又去玩返陣。Isaac 好出力呀，可惜無人同佢玩，妹妹太細，唔岩玩呢種。

好在有個差不多大既小朋友走黎一齊玩呢種搖搖板。呢度雖然係遠少少，但媽媽覺得都值得一黎。尤其係呢個公園好多設施，唔係度度公園都有的。

臨走，我地係ELEMENTS留張倩影先。呢隻狗做乜咁巨架。顯得Isaac 鬼咁細粒，唔認真去揾佢，真係睇佢唔到。