雜錄片段

暑假就完結，兩兄妹學水都差唔多完了。月初錄低左兩兄妹玩水片段（按此進入觀看），其實到而家，兩兄妹仲未識游水架。依然係要捉實浮板至敢游出去。雖然好似進展好慢咁，不過對怕水兩兄妹黎講，算係咁架啦。而家肯自己拎住塊板游出去，媽媽算係安慰了。

越黎越大既Isaac，好似越黎越鍾意搞搞震引人笑。好似呢晚咁，無啦啦扮玩呼拉圈。吖，雖然佢未玩過，但Isaac 扮起上黎真係似模似樣（按此進入觀看），睇見都搞笑。

搞到阿妹見到，又扮埋一份。小朋友真係鍾意模仿。一個扮時，另一個又有樣學樣。（按此進入觀看）

雖然兩兄妹呢個暑假成日嘈交，不過有時睇見佢兩個玩起上黎，都覺得安慰，因為兩兄妹都有個好玩伴。