汗流風之谷公園

10 Aug 14 呢日我地跟仁愛堂社區中心一日遊, 去左鴨脷州既風之谷公園. 不過好熱囉. 但無損Isaac 玩樂既心情, 一去到, 仲做姑厘搬石頭TIM. 

Isaac: 哎呀~~~快D 黎幫手啦, 好重呀.

 呢個姿勢, 好可愛呀~~~

Isaac: 搬到好攰呀, 等我攤上去休息下先.

 其實Isaac 帶帽幾好睇, 好SMART 咁. 可惜佢成日話熱, 唔肯帶.

Isaac: 媽咪, 我似唔似樹熊呀?

 細路仔唔怕熱, 睇下Isaac 不停咁郁就知.

跑呀跑呀, 最愛跑草地. 著住拖鞋照跑可也.

 

今日節目有自助午餐同埋抽奬.

Isaac 出奇地要左把扇. 估唔到佢寧願要扇都唔選玩具. 唔通佢似媽咪, 實用為主?

 

 之後, 我地一齊坐街渡過對面香港仔中心坐車去赤柱.

去到赤柱, 見到呢位有模有樣既大叔扭波, Isaac 見妹妹有馬蹓, 佢自己都要埋一份, 不過係要蛇囉.

其實蛇咁簡單, 唔明點解Isaac 要蛇唔要單車個D. 不過唔緊要啦, 最緊要係佢自己選, 無得怨人.

雖然好熱好攰, 但兩兄妹都異口同聲話好好玩. 咁即係出年暑假要再報團啦.