8·11體操彈床實錄

11 Aug 14 話咁快月中了，睇下兩兄妹體操玩成點先。

做左咁多次肩甲倒立，媽媽第一次見Claire 對腳放到咁高，好叻呀。

仲有度叻，就係Claire 好明顯大膽過哥哥。好似呢個動作咁，哥哥唔敢做，Claire 就敢做，仲做左兩次咁多。叻女。（按此進入片段 1, 按此收看第二次做既片段）

至於哥哥，就係咁了，大家都唔知做乜，但妹妹最後聽話上膊，Isaac 反而縮沙（按此進入）。

話雖如此，Isaac 做熱身時，動作真係越來越靚。睇下呢張肩甲倒立，對腳好直好高。

兩兄妹好鍾意上體操堂，尤其係玩呢個吹氣床。唔係次次有，夠吃香，所以個個細路都HIGH 到尖叫，妹妹Claire 好明顯身型最細，所以老師特別優待佢坐埋一邊（按此進入）。

玩左一段日子既Isaac，係時候要試下側手翻了。不過老師無教，要自通喎，所以，Isaac 次次撻生魚咁撻自己（按此進入）。媽媽叫爸爸教佢，不過唔知爸爸幾時至會有時間教Isaac 打側手翻既秘訣呢！

至於Claire, 因為仲係初階，所以動作都偏向簡單。好似呢次碌落墊再跑去跳箱咁 （按此進入）, 之後，再跳箱，不過Claire 好明顯細粒得滯，好似跳唔上個箱度囉。ANYWAY，最後佢都做到，媽媽真係好欣賞妹妹呢種不放棄既態度（去片）

不過呢度既體操堂都幾HEA，有時小朋友會四圍走，又或者好似Claire 咁，無啦啦走左上去漏氣既彈床玩。最後比老師趕走（按此觀看），有家長鍾意呢個老師夠惡，可以治到學生喎。好在妹妹Claire 無比呢個老師嚇親姐。