親子造曲奇

暑假期間，最好既節目就係親子下廚。不過今年暑假好好好忙，都無好似舊年咁好心機成日整野食。係呢次同小朋友去完COOKING LAB，剩左舊曲奇粉糰，翌日就比兩兄妹玩下印模曲奇。大個女既Claire，而家好鍾意幫媽媽下廚，成日幫媽媽搞包包既面糰。而家有得比佢名正言順坐正碌曲奇喎，梗係四萬咁口啦。

Isaac: 我要碌薄D先。

至於Isaac，今年無舊年暑假咁鍾意幫手整野食，可能同媽媽一樣，忙住周圍去上堂。難得呢朝係屋企，Isaac 都肯坐定定印下模。不過天口熱，D粉糰好快溶，搞到印模有難度，令到 Isaac 好有挫敗感，印左一半放棄左，自己走左去玩。

淨返妹妹一個，好努力咁印下碌下印下碌下。都話媽媽好欣賞佢呢種不放棄既態度架啦。

Claire: 等我用力D印先。

 好快整左堆曲奇出黎，呢幾塊，係特別比鄰居樂樂食既。因為之後一齊上彈床班嘛。

諗返呢個暑假真係無乜親子煮食咁。希望下個假期，會好好利用一下黎整野食。