體操彈床節錄

八月初，又走左去錄低兩兄妹做體操既片段。無計，反正要幫朋友錄佢小朋友，順便就全堂拎實手機影呀錄下啦。

玩左兩個月體操既Claire, 擘腳功夫終於漸見佳績了。

不過到做向後伸直擘腿呢個動作，好似仲係難到Claire 囉。不過無損Claire 認真既態度，Claire 依然不掘不撓咁繼續做到最好。媽媽在旁，最欣賞妹妹呢種態度。

同場加映妹妹Claire 練習分腿跳動作（按此進入）。

至於比媽媽罰停玩體操咁耐既 Isaac，而家有得玩，果然專心左同埋比心機左。睇下佢而家擘腿仲可以個頭仔壓前架。勁。有時 Isaac 早到，老師仲會要佢出黎做示範比各同學睇架。 媽媽相信呢下，令Isaac 更加比心機做得更好。

到做肩甲倒立，明明好地地，唔知點解忽然比自己聞大脾呢。超搞笑。 （按此看肩甲倒立片段） 

呢個SUMMER既體操班，好似好普通咁，差唔多堂堂都係跳箱，跳到媽媽都覺得有點悶。（按此進入去片睇下Isaac 點跳，就知好普通）

跟住到Isaac 越跳越好既坐彈彈床技巧。（按此進入）

老師話，十月會有比賽，十一月會有考試。唔知到時妹妹可唔可以參加呢。又唔知Isaac 到時成績如何。好明顯 Isaac 真心鍾意跳彈床，早兩日無啦啦同媽媽講，想報名彈床考試喎。嘩，之前叫佢考普通話同DRAMA，好似要佢去死咁。但而家居然主動話要參加考試。仲話唔係超鍾意彈床？ 希望佢可以揾到自己鍾意既運動，日後當成舒緩壓力既一種渠道吧。