暑假節錄

今年暑假, 媽媽幫哥哥係東華三院社區中心報左暑期班. 雖然好似無乜料到, 不過有度好, 就係有個小型圖書館. 每次黎返上堂, 兩兄妹都睇到唔願走. 要三催四請至肯離開. 媽媽有時都要帶定書一齊去睇至得. 

初學游水既 Isaac, 忽然興起話要係屋企試下BUI 水, 呢次終於成功了, 連額頭都掂埋水架. 好叻呀. 對於 Isaac黎講, 真係好大進步呀.

雖然呢個SUMMER有點忙, 不過Isaac 食左好多雪糕呀, 雪糕常滿(雪櫃). 仲有, 就係間唔時都有旦糕同甜品食. 呢支BUNNY 朱古力, 就係爸爸係ZOE買既. 話成五十元支喎. 嘩, 咁貴媽媽就唔捨得食了.

講下Claire 先, 呢個惡妹, 平時出街斯斯文文, 但惡起上黎, 睇下佢副衰樣. 事緣係媽媽罰佢係廚房門口食飯, 見佢依然慢慢食, 媽媽只係叫佢食快D姐, Claire 就即刻擺哂姿勢想打媽媽. 仲要掘阿媽TIM. 唉~~~

暑假開始, 我地第一個節目係出去書展. 嘩, 坐長途車兩個瞓哂係媽媽手上, 真係唔駛半分鐘, 隻手己經開始痺了. 不過此時此景, 過多一兩年就無架啦.

其實呢次係兩兄妹第一次去書展呀. 兩兄妹又係睇到唔願走. 係咁話要再睇書. 唔通Isaac真係鐘意睇書? 至於Claire, 書好似唔係咁吸引, 最吸引係佢背上既新書包, 一見到即拆袋要揹住. 仲有後面既波波, 無啦啦走埋去話要影相喎.

 

唔經唔覺呢個暑假已經去左一大半, 好快兩兄妹會升K3同K1了, 希望兩兄妹繼續努睇書, 做個好孩子吧.