可一不可再的 KIDDLE LAND （屯門）

5 Aug 14 呢日我地無去游水，改為去屯門既PLAYHOUSE 玩。呢間叫KIDDLE LAND，話說係媽媽係FB 見Isaac 同學仔之前去玩過，又見佢FB 好似好多人LIKE，一於去試下先。難得呢日打左 N咁多次電話，去到成兩點半至有人聽，話開三點喎。所以我地好晏至去呀～～～地點係工廠區，由我地巿中心去，其實距離好近，不過無車直去，轉黎轉去，呢個係一個問題。去到了，原來呢間工廠區入口必經停車場，大家都知工廠區既停車場係巨貨車集中地，一拖二經過都好危險。個人就有少少抗拒。上到四樓，嘩，一出𨋢，成陣巨臭味。好惡頂呀～～～以為去錯，點知同𨋢既送貨員見到媽媽一拖二，就指𨋢口右方，話個度就係～～～

唉，一間好地地既PLAYHOUSE，要係工廠區我都唔MIND，至慘係選址係唔方便既工廠位置（由巿中心去係無直車），跟住仲要同層係食物工場。好臭，走個時企出邊等𨋢走，望住就咁攤係𨋢位既腸粉同面～～～我以後唔敢再係車仔檔買腸粉食囉。都唔知有幾多隻老鼠走過呀。

外在環境講完，一入KIDDLE LAND，咦～～～原來好細架咋。。。。。最重要，係連裡邊都有陣UP味。呢陣UP 味呢，係媽媽到走個一刻，都仲好強烈FEEL到囉。通常一個人留係某個地方一陣，已經習慣左陣味架嘛，好少可會到走個時，仲好聞到UP 味囉。呢陣味，好明顯係同層出邊既𨋢位同工場傳黎啦。唉～～～～～難為小朋友了，不過既然黎到，唯有玩。不過無下次。

呢度有個BB 千秋，不過好迷你。MINI SIZE 既Claire坐左上去，都顯得咁迫，就知個千秋有幾大。

Claire: 其實係我大個女咋嘛，唔關千秋事。

餵食Claire： 咦～～～有盒野食喎。

其實媽媽都唔知呢個盒係人地食剩留低既垃圾吖，定店主諗住廢物利用，放係玩具廚房到囉。

雖然呢度氣味強烈，不過無損小朋友玩既心情。玩乜咁開心？？？

咪就係SIR滑梯囉。SIR滑梯唔開心，最開心係媽媽係下邊扮怪獸嚇佢。就會出現上邊兩張大笑相。其實可能Claire 鐘意比人嚇。

SIR滑梯唔會HYPER 到大笑，不過玩波波池就會。

開心到上哂身同哥哥一齊扮滑雪唱歌歌。  （按此睇片）

玩玩下又拎住咁多野黎"滑雪"，想唔跌低都難。

Claire: 哇哈哈，好搞笑呀～～～

睇住個大冬瓜係咁跌，真係好笑。

跌完又跌，今次做乜會跌呢？

咪就係嫌自己唔夠輪盡，所以又抱左隻RODY 入去騎囉。

Claire: 媽咪，我放低哂D 野咪唔跌囉。

老老實實，如果呢度交通算方便，同層又唔係食物工場既話，媽媽或者都會再黎既。呢個收費唔算平呀，35元／小朋友玩兩個鍾。其實同冒險樂園相差無幾，蝴蝶間冒險樂園平日都係元全日任玩，仲要無味喎。

不過有家長覺得呢度乾淨D，因為人少D。。。。。真係見人見智了。如果要我路經環境惡劣既停車場加食品工場，我寧願唔黎玩了。