7 Sep 14 好多年無黎韓國了。之前兩次都係跟團仲要係滑雪團，去完之後感覺又悶又無特別。所以成日都覺得打死都唔會再去韓國。豈不知仔仔鐘意韓國卡通片，仲發夢要去韓國睇下路上會唔會有韓國超人喎。真搞笑。ANYWAY，總之呢次又重臨韓國，不過今次係拖住細既黎勇闖一番，黎一個自遊行。
一落機，做足功課既媽媽梗係去買T－MONEY 咭先。出發前知係出閘有間GS25, 咁原來機場一出，左右兩邊望勻都好鬼大姐，卒之搞完租WI-FI EGG後，就走去問旅客中心。話行到去GATE 12~～～其實都唔駛咁遠。GS 25, 簡單D講，就係出閘轉右，直行會見到。唔駛行到客旅中心講既最後方向囉。仲有，GS 25 買T MONEY 咭，原來係可以內置SET兒童票架。之前睇咁多BLOG都無人提過。不過言語溝通問題，我就直接走去GS 25 對面個客旅中心叫個姐姐幫我用韓文寫低 －－－一張兒童T MONEY，再拎住張紙入GS 25。雖然咁講，其實三張咭外觀係一樣, 而且你都一樣要用3000WON黎買，只係入閘時會SENSE 到邊張係兒童咭。不過全程我都無理，反正一定小孩同行，比人捉住咪拖返個細路出黎認返張咭囉。
搞完張T MONEY咭，又要行返轉頭落B1層，走去揾 AREX 快車坐。因為路途遙遠，真係要買好張T MONEY 咭至好落去搭AREX。AREX其實又分兩種，一種EXPRESS，快十分鐘不過貴你個DOUBLE。咁梗係坐COMMUTER啦，十分鐘唔多吖，但一個人可以慳近六十蚊咁喎。
 |
| AREX COMMMUTER |
 |
| 打正對面既EXPRESS。小心一個唔覺意，以為EXPRESS ＝AREX 快車呀～～～記得有EXPRESS個字，會貴好多，但只係快十分鐘～～～不過車次又疏返好多。 |
 |
| 呢層所謂既樓上，矮到無朋友，真係要屈身而行。而且爸爸瞓過一晚，怕怕，話好好好焗。 |
連洗衣機同煮食用具都有，岩哂BB同行既父母。其實房仲有微波爐，不過無影到。
OVERALL，SA SEOUL不失為一個落腳點。唔算係好舒服既酒店，只可以算為一間APARTMENT咁住。如果下次再去韓國，爸爸同我都覺得可以試下其它地方住。所以，住後感覺得： 如果唔係SA SEOUL 之前搞網評可享免費住宿一晚的話，究竟網上有幾多好評呢？？！！住係SEOUL STATION有個好，就係去南大門或者明洞，可以徒步返酒店，仲有隔離係樂天超巿，我地晚晚都入去掃下先返酒店瞓。
第一日，去到酒店放哂行李，一對心口有個勇字既父母，就第一次由酒店行去會賢站既南大門逛，跟住再由南大門行去明洞站，按之前BLOG 搜集返黎既左轉右轉路線，終於揾到呢條人龍去排玻璃電梯上N首爾塔。其實又簡單D講，唔駛係明洞站四號出口跟住又轉到頭暈囉，我地行下行下搏下搏下，其實都揾到呢條人龍。原來係明洞站六號出口直行咋嘛
 |
| 呢條人龍話長唔長，都要排左20分鐘～～～唔係上塔頂，只係上到去另一條更嚇人既人龍，就係纜車站。 |
其實唔知呢個代表乜。不過肉眼望到個纜車站啦。之前睇BLOG話要行好耐，咁睇，又唔覺喎。我諗排得呢條玻璃電梯，都上到去掛。
落左電梯先至係戲肉，走又唔係，唔走又唔係，排左一輪～～～係排左一輪後，去到停車場，見到呢張紙～～～你走唔走好～～～
排咁鬼耐，咪就係上呢個塔咋嘛～～～係塔底，嘻嘻。
結論係，我下次黎首爾，唔會再嘥時間上黎一遊。落山又要等一大輪（我地已經坐巴士落）。
因為落山黃巴得05一架可以去明洞，所以要迫巴士（係無人讓座係小朋友個隻迫）。雖然好耐無去過明洞，不過因為我地頭先係由南大門逛到去明洞，所以對明洞都有少少記憶。架巴士一到明洞，我地已經曉得落車。加上明洞站係全程最多人落車既站黎，所以實識落車。
晚餐醫肚，大家又餓又攰。咁岩日頭行街比路痴既我見到傳聞中好好食既全州中央會館，見反正明洞落車，一於去試下。一入去，有少少驚架，因為居然無客朋滿座。
先黎既前菜，無想像中咁辣，只係酸，都OK。
話係聞名既全州伴飯同人蔘雞。其實食完唔覺有幾好食囉。前後要左兩個伴飯，埋單四百幾蚊。
仲有呢碟超多八爪魚既旦餅。好似都唔平。但真係香港食唔到咁多八爪魚既旦餅囉。
食完又攰又眼瞓，急急腳返酒店瞓。老老實實，全州真係唔覺有幾好食。下次唔會再幫襯佢囉。如果出發前上韓巢印COUPON，呢間有折架。所以出發去韓國前，一定要做好準備，加加埋埋慳唔少架。
