K1 第二天

2 Sep 14 Claire 第二日返學，一樣咁興奮期待。未夠鐘已經扯住阿媽出門口。今日我地搭輕鐵返去。有自己既八達通套，Claire 笑得幾咁開心。

返課室排隊去洗手間，一眼望哂，Claire 身型幾咁～～～～好似個個大佢成年咁款。果然係迷你型呀下。

呢日係第二日，都仲係家長陪同坐一個鐘既，流程包括有去洗手間，同埋玩大肌肉時間。估唔到Claire 好投入，仲曉得除鞋著鞋喎，係屋企成日喊哂口話唔識著，真係玩人。

出到遊戲室，大家好安靜咁聽老師講解。

Claire 碌大對眼好專心咁聽。唔怪得個個老師暫時都仲讚Claire 好專心，會碌大對眼聽野啦。

聽完有得玩囉。

玩玩下又走左去踩單車。仲要踩部咁大既，真係難度高呀。

玩左其實大約十分鐘左右，佢地就去洗手食茶點了。

要講返轉頭，話說呢兩日都係返一個鐘咁大把，但DAY 1 居然無茶點食，媽媽仲一心旨意學校有茶點食，所以無帶水，成個鐘就聽住Claire 不停重覆話要飲水。呢日第二日，媽媽帶定支水，費事又比阿妹哦足一個鐘。

Claire: 嘻嘻，終於等到茶點時間了。

 媽咪夾硬話要影張合照，點知衰妹伸條脷出黎，想點呀？？！！

Claire: 你阻住我食野呀～～～

Claire: 唉，唔好理阿媽啦，我快D食好過。

 當媽媽話Claire，又話唔肚餓～～～～Claire 就咁答阿媽

Claire: 茶點一定要食架～～～

暈～～～Claire 果然頭腦轉得快，駁咀諗借口都快過人。 ANYWAY，希望Claire 係學校聽聽話話，唔好咁多咀啦。