SEOUL DAY 3 (弘大特麗愛3D館）

9 Sep 14 旅程第三日，呢日留守巿內玩下冰。其實主要係想玩冰同雪，不過遇著幾天靜英英既城巿，去到呢日，居然見到好似有唔少店都開左，所以，我地玩完 3D同佢個冰館後，就取消唔去玩ONE MOUNT玩雪，改為去行東大門既玩具街買玩具。小朋友一樣咁開心。唯有留返下次至黎玩雪啦。

晨吉咁早，去到弘大，諗住行去弘大對面既Isaac 食好多人讚既早餐，殊不知行到好攰～～～居然係關門既。後黎我地打的經東大門，又見到明洞一間Isaac都係關門，至知原來中秋佢地唔開架。

弘大好難揾到早餐店，行左成個鐘，爸爸開始忟，好彩後黎媽媽立到二樓有間叫ZOO既CAFE開左，位置仲係正愛麗絲3D館對面，真係岩哂。個名叫做ZOO，入到去，果然佈置得活像個動物園一樣。連凳都係斑馬紋。

當媽媽忙於動用身體語言去點餐時，爸爸就同兩兄妹影相，Claire 一副可愛樣，因為佢好鍾意同公仔影相架。

Claire: 後面對熊貓似唔似我同哥哥一樣咁相親相愛呀？

Claire: 爸爸，呢度仲有隻貓呀～～

Claire: 長頸鹿唔咬人，可以攬住黎影相。

呢間餐廳有個好，就係有露台，天氣唔熱時，係度嘆下咖啡應該幾悠閒。我地係第一台客人，餐廳無人，兩隻馬蹓又作反，當露台既階級係樓梯不停跳上跳落。

計埋揾Isaac 間摸門釘既店，計埋行返轉頭揾野食既時間，食埋早餐，其實好晏了。食完即刻出發去特麗愛3D立體館。出發去～～

Claire: 乜我地要坐駱駝去既咩？？

Claire: 唉呀，攬到好緊呀～～～

學左成個暑假仲未識游水既Claire，跌落海梗係比大魚食啦，不過邊把口大D呢可？

一見可愛公仔，永不放過既Claire，又露出一臉可愛樣黎襯返個景。

Claire: 我唔識游水咋嘛，隻海龜識游咪得囉。

Claire: 喂，蜘蛛俠，你唔好飛咁快喎，我會跌架～～～

Claire: 媽咪呀，哥哥想撐架艇仔去邊呀～～～

Claire: 原來係載我黎到呢度見仙子哥哥呀。

人仔細細既Claire，坐左呢張人力車上，會唔會顯得更加細小呢？

Claire: 咁我坐馬車啦。

Claire: 邊個夠我口大？？

呢張相，夠温馨無？不過妹妹成日唔肯坐後邊，所以，又要影多張單人照。其實呢張都幾好吖，突顯哥哥照顧妹妹；妹妹受哥哥保護既感覺。

Claire: 但我都係鐘意一個人多D。

最近好嗲爸爸既Claire, 一同爸爸影相，笑到見牙唔見眼。

Claire: 你見唔見我好無奈呀，我咁錫爸爸，但爸爸抱我比恐龍捉囉。

之前睇FORUM話弘大既愛麗絲3D館超多人，之前仲好擔心加埋韓國長假，咪多上加多。咦，點知只見團隊係入口圍住，但入到去呢，又無乜人喎。都係間唔時等一兩個咁多。可以接受囉。媽媽冒著多人既險，都要黎弘大，無非想比兩兄妹玩呢條冰滑梯咋嘛。見佢兩個玩呢條冰滑梯咁開心，媽媽都開心。不過著埋羽絨真係凍到頂唔住。連妹妹羽絨加厚褲加帽加手襪，都同媽媽講好凍。咁裡邊真係好凍下。

只見Claire 步步為營。

Claire: 我行步路都要好小心呀，好跣呀～～

按此去片睇下阿妹點SIR冰滑梯先。

Claire: 媽咪，好好玩呀，但我真係好驚跣呀～～

三個大細路，玩到不亦樂乎。

按此去片睇下爸爸同Claire 一齊SIR冰梯。

玩到唔停，幾經辛苦至捉到Claire 同呢架彩色車影相。

仲有企鵝仔。

不過真係好凍呀。Claire 著到好明顯一舊"種"但佢都話好凍。所以，我地玩左一陣，就走左了。因為媽媽本黎諗住去玩雪仲有得玩，點知出左去後，爸爸話去東大門買玩具。咁小朋友又讚成，所以我地下半場節目取消，改為行玩具街了。