自己返學了

4 Sep 14 呢日係我地二小姐第二日正式自己返學既日子。雖然時間為時一小時，不過都叫做K1自己上學去。心情依然係好鬼興奮，未夠鐘要拉住阿媽走。去到學校門口，咁岩見到同學仔，自動自覺拖手仔。按高度，變左係DO RE MI。但Claire 係排第二大架囉。哈哈哈。另一個係四月二號出世。不過媽媽忘記左係咪女同學了。

好，睇下獨立既Claire，第一日（3 Sep 14) 自己入學校既模樣先。（按此去片）

爸爸話，Claire 頭都唔擰轉頭架，媽媽就話女生外向。所以而家爸爸送妹妹返學，都要求Claire 錫佢一啖至入學校。唔知Claire 肯錫爸爸到幾歲呢？