首爾之行 2014 －DAY 4 （愛寶樂園）

10 Sep 14 韓國之行第四日，亦都係小朋友最開心既一日，因為我地係去愛寶樂園玩呀。雖然經歷幾日唔夠瞓，呢日十分之唔願起身，不過一落車，見到咁色彩繽紛既環境，兩隻馬騮即刻醒神。

估唔到黎愛寶，有PORORO紙板，可惜隔離個PORORO戲唔開。仲諗住帶佢地去睇韓國PORORO TIM。

雖則九月，但愛寶已經佈置到好有萬聖節氣氛。

一入愛寶，媽媽係COUNTER換左飛睇戲，以為係PORORO，點知要行到最入既馬戲團，不過都好好睇。之後去坐湯馬士火車，可惜Isaac 唔鐘意。唯有出返黎坐真駱駝。不過佢又好驚囉。

Isaac: 我都係鍾意坐假斑馬多D。輕鬆D。

 愛寶原來除左機動遊戲之外，仲有好多動物架。

Isaac: 好似我身後既咩咩羊咁。好馴架。

 仲有倉鼠，用呢支長匙去餵食，又幾好，唔駛整污糟隻手。

唔知係咪去旅行個人會放鬆D，我地入到雀鳥區，見有得餵雀，Isaac 居然係唔驚。叫媽媽另眼相看。

（餵雀片段按此）

之後，同Isaac 去排4D，排左都成廿分鐘。企到腳仔軟。不過Isaac 話好好睇喎。仲話要睇多次～～排咁耐，又咁多野未行，都係下次有機會先睇多次啦。

Isaac: 頭先套RIO真係好正呀，我仲好似RIO咁識飛架～～～（張凳會郁加前面大風吹向面，感覺好似飛咁）

 之後，我地又用左成個鍾去排JUNGLE BUS，真係好嘥時間呀～～～點解呢日咁多人架。睇完JUNGLE ，好似無乜料到咁。早知唔排。用多D時間睇出面既動物區好過，愛寶樂園有個雀鳥表演，好睇過海洋公園個皇者之皇囉。

而且呢度仲有袋鼠睇TIM。

不過我地因為BOOK左來回SHUTTLE，五點左右要起程走人了。臨走，Isaac 又扮下怪獸。七情上面。

難得一家人去旅行，最後梗係要影返張家庭照。幾咁温馨～～～不過爸爸話唔POST佢張相，否則一家四口笑容幾咁一致，Isaac 大個睇返實好開心姐。唔知出年去旅行，Isaac 仲會唔會咁嗲挨住媽咪呢？