首爾之行 2014 －－ DAY 3（Trickeye Museum 3D美術館）

9 Sep 14 呢朝我地係弘大3Drickeye Museum 美術館附近既ZOO樓上咖啡室食個早餐後，就出發去玩3D館。

Isaac: 媽咪，後邊對熊貓似唔似我同妹妹呀？

 食完早餐行去對面就係愛特麗3D美術館。一落地下二層，一陣臭氣撲鼻

Isaac: 好臭呀，邊個係度POO POO 呀～～

 之前仲擔心黎3D美術館會悶親Isaac，因為佢唔鍾意影相，吖，點知一落到去，見咁多奇怪擺設，Isaac 都好快不停影相了。

Isaac: 媽咪，拉埋呢個人上黎至入去玩3D 館啦。

 似唔似古代等人送去酷刑既犯咁款？

Claire: 好，等我推你去死啦。

Isaac: 哈哈，我唔會死既，我識變魔術架嘛。

媽媽： 嗚嗚～～～我食左乜呀，咁矮既～～

媽媽： 嘻嘻，咁就差唔多，我明明高過Isaac 架嘛。

Isaac: 唉，我想食雪糕呀。

Isaac: 明明我想食雪糕，點解會變左牛角酥架～～ 

Isaac: 嘩，唔好食我啦～～我都肚餓呀～～～

 比恐龍追趕，都係三十六著，走為上著。

Isaac: 唉，走走下佬忽然遇著水浸。

Isaac: 媽咪，原來我可以一個人都唔怕架。

Isaac：不過玩熱氣球好似有大人陪同會安全D囉。但得我一個既～～～

Isaac： 妹妹，快D坐低啦。我開船架啦。

 為左逃跑，除左坐熱氣球同埋船外，仲有係坐駱駝。

Isaac: 唉，點解會走走下，走左入黎竹林架，會唔會比熊貓食我架，好驚呀～～～

 玩弘大既3D美術館原來好快行哂。高潮係入隔離超迷你既冰館。

Isaac： 嘩，真係好冰呀～～ 

其實呢個冰館好玩在條任滑無人等既冰滑梯（按此收看Isaac 有幾ENJOY）. 可惜真係好凍，同埋媽媽諗住之後去玩雪，所以玩左一陣冰滑梯，就要趕地出發往另一目的地。

去之前，爸爸話行一陣東大門買玩具。所以，之後都係東大門揾到間咖啡店。Isaac 話想要YOGURT，媽媽就點左一杯HOMEMADE YOGURT比佢，點知佢試左一啖就話好難食。

駛唔駛樣都變𠹺呀？

諗住去一陣東大門，點知行完都好晏，所以第三日行程，只係去左3 D館咋。之後就係巿中心HEA。唔通爸爸想佢地儲定精力翌日玩單車？