首爾之行 －－DAY 1 （N首爾塔）

7 Sep 14 終於等到呢日，Isaac 可以滿心期待去韓國了。因為呢年既Isaac，忽然好迷韓國卡通公仔，日日都要追韓國卡通，由TAYO到ROBOTCAR到COCOMONG，已經去左三期卡通了。成日話要去韓國，因為佢覺得韓國係周街都會見到呢D公仔周街行，小朋友諗法真係好搞笑。

經過半夜起身再加四個鐘頭機，無損Isaac 大哥哥本色，一落機媽媽買左香蕉奶佢地飲，Isaac 居然係照顧左妹妹飲左先

Isaac: 跟住我自己慢慢摵飲管袋。

一臉滿足的 Isaac: 好味呀～～～～

 飲飽食醉（媽媽仲買左包包比兩兄妹醫肚，因為我地坐廉航，無飛機餐）後，我地出發去坐EXPRESS 去酒店。

Isaac: HELLO，我第一次坐韓國火車呀。

 返到酒店，極速放低行李，我地又極速咁由首爾站行路去到會賢站既南大門再行落明洞再行去坐N首爾塔既玻璃扶手電梯，諗起都辛苦。但Isaac 全程無呻攰，好叻。

排左成個鐘有多，就係要坐呢架玻璃纜車，排成個幾鐘，老實講真係唔值。搭巴士慳時間好多。

不過帶住細路，叫做比佢地體驗下另一種交通工具既滋味。

Isaac: HELLO，我霸到窗口位睇風景呀。

 對Isaac 黎講，N首爾塔無乜特別，最特別就係呢個噴水既空地，比佢走黎走去捉水，最後全身濕哂，褲都濕透。真係咪睇少呢D噴水。

Isaac: 嘻嘻，我唔怕架。

有圖為証，由黃昏玩到天黑。依然未玩夠，走個時仲嘈住要繼續玩。不過最後真正離開時，Isaac 已經頂唔住條濕褲，要自行捲起，不過睇返呢張相，都見到條褲濕到上大脾囉。哈哈哈。