放電＠2014 哈爾濱冰雪展

12 Oct 14 暑假收到 Isaac 同學仔家長SENT黎話心晴行動售賣慈善哈爾滨冰雪展門票七十元，可以任玩240元價值既野，又見有彈床，梗係買啦。因為主辦單位經驗不足，試玩個幾日好擠擁，D人乾曬幾個鐘，天氣又熱，唉。我地索性唔去。好在後黎主辦單位比我地呢D試玩人士係某個日子再去姐。因為咁，Isaac 至可以去盡情放電。

話咁快，就SIR左落黎。其實個日天氣熱到爆，媽媽相信呢D膠床仲辣手，難為佢若無其事照玩。真係玩大過天。

SIR完繼續爬，爬完又SIR返落去。

Isaac: 你唔好再影囉喎～～～

唉，有時見Isaac 開始大，越來越反叛咁。唉。真係做人父母不討好。

都係玩起上黎，笑到四萬咁口既Isaac 可愛D。

又或者，拖住妹妹一副大哥哥既樣，都好可愛。最叫媽媽安慰。

拖住阿妹一齊上彈床，好似有點論盡。

男仔真係男仔，SIR落黎都要擘大腳咁粗豪。

玩左兩三次彈床，我地轉戰賽車。不過五歲Isaac 坐呢架車，好似特別大個咁。真係大個仔了。

好肉緊咁轉彎呀～～～

成個賽車車程，Isaac 依然保持一個表情無變過，真係難度高。

好，我地入冰館睇下先。冰館真係好凍呀～～～

Isaac: 點解唔比摸既？？

Isaac: 呀～～～我想LAM下呢舊大冰呀。

妹妹凍到已經木無表情，Isaac 同媽媽儘量比温暖阿妹啦。

愛斯基摩人就係住呢D冰屋架啦。媽媽細個唔明，點解咁凍仲要住入冰屋，後黎睇書，至知原來冰好隔冷，密度夠高，住左入去，出面既冷空氣走唔到入去。原來如此，呢日媽媽都覺得入左呢間冰洞裡邊，無出邊咁大風咁凍架。

九月我地係韓國玩冰滑梯，玩到Isaac 係咁興奮尖叫，不過玩呢條滑梯，Isaac 就⋯⋯ （按此看片）  真係要手腳並用至可以落到底。

不過無損 Isaac 燦爛笑容既出現。總之開心，佢就會笑～～～唔通頭先渣車佢唔開心？？

Isaac: 係呀，都係SIR滑梯開心D～～～

話就話無乜野玩，但我地都磨左成三個鐘至走。因為前後玩左成兩次賽車，三次彈床。排賽車最耐～～～加埋係冰館又睇左成個鐘（凍左成個鐘）。捱住肚餓即渣返車出元朗食飯。好在兩兄妹都好開心，不停嚷著要再黎～～～下次再有平飛至會再黎啦，阿仔。