大尾督踩單車捉蟹樂

1 Oct 14 呢日紅日，見天氣好似唔係好熱，媽媽就建議比兩個小朋友踩單車郊遊去。一去到，先租左架四輪單車比Claire。睇佢幾咁滿足！

認真有姿勢有實際架。咪睇佢細細粒瘦孟孟，其實都可以踩得郁架單車，仲好純熟TIM。

係大尾督呢個水霸空地踩左成個幾鐘，之後，我地去左醫肚。醫完肚，到戲肉，就係去捉蟹了。嘩，真係又唔好睇少Claire，原來膽子好大架。定係佢仲細，未識得驚呢？

Claire: 媽咪，睇下我幾醒！空手捉蟹架。

Claire: 嗱，你睇下！

 Claire 捉蟹既速度同膽量，真係嚇親媽媽同工人姐姐。面不改容好輕易又捉一隻，莫非遺傳自爸爸性格？

Claire: 嘻嘻，仲捉你唔到？

 捉完我地用桶裝住先，之後再放生。

Claire: 又一隻。 

Claire: 你食多D野啦，咁細粒～～～

 好一張温馨的嬉水照。

Claire: 媽咪，一齊落黎玩吖！
媽咪： 我負責影相呀～～

 睇住兩兄妹不停掟石仔，真係好開心。童年咁過係佢地最好既回憶黎。

玩到成四點，我地就放返D招潮蟹落泥灘，等佢地回歸大自然；而我地都歸家了。

下一次再去石灘，可能要等冬天過得七七八八至可以再去了。因為少去，所以Claire 好期待呢個好日都唔一次既活動架。