兄妹情深

8 Nov 14 Isaac 同Claire 雖然成日爭野，又成日嘈交成日打黎踢去。正所謂，打者愛也，其實呢兩兄妹感情不知幾咁好。當妹妹只有一塊餅，佢會讓比哥哥食；而哥哥收到老師送既糖，雖然得一粒，佢亦都會比妹妹架。有時，連媽媽都大為感動，估唔到妹妹會咁錫哥哥。尤其係當佢食緊野，而哥哥不在時，佢總會加一句： 留返比哥哥吖。

連影相，間唔時都會幾合拍既～～～間唔時囉。

10 Nov 14 雖然兄妹情深姐，但唔駛咁熱情呀嘛，係架車度連咀幾啖。真係睇見都毛管動。

如果你地成日都咁相親相愛就好囉。唔駛媽媽成日動氣鬧你地。咁媽媽就少D白頭髮，皺紋都少D 呀。