學車記

12 Oct 14 爸爸特登帶住Isaac 去買單車，自小愛粉紅既佢，梗係選左粉紅色單車啦。為左令Isaac 可以學識兩輪單車，做父母真係用心良苦。特登去到咁遠買單車不特止，仲要係粉紅色，仲有擇日翌日即出車教佢踩。

講教，始終呢D運動野，梗係留返比爸爸教啦。睇下，做運動都笑住既爸爸，幾咁落力教仔踩單車。

一個鐘都唔駛，話咁快，Isaac 已經平衡到了。可以踩到直路，不過轉彎同避人仲係要時間摸索。但已經好叻了。媽媽坐係度睇住，不知幾咁開心。

係呢個咁闊既單車公園上學踩單車，真係零舍多滿足感。睇下Isaac 笑得幾咁含蓄就知。

之後，我地每逢有時間，就會落樓下踩幾圈，半個鐘，小朋友已經好滿足咁返歸。等我地得閒至再黎呢個單車公園玩啦。