新車落地

12 Oct 14 話說之前個日，爸爸特登渣架車返黎載我地去大埔咁遠買單車。最後我地選左BMX 既PONY款，兩兄妹一樣款式。所以，呢日朝早出車去完冰雪展，食過飯再車去新屯中既單車公園比兩兄妹繼續放電。

Claire 四萬咁口，新車落地，果然唔同D。咁岩配埋佢全身粉紅裝束，同架單車襯絕。

咪睇Claire 人仔細細，其實踩起呢架 12 吋單車，好穩陣同好熟架。今日，仲踩得快過媽媽急步行，次次都要媽咪跑住追，真係索哂氣。

 眼尾都唔望下你，就出車 LU。

Claire 最叻有樣學樣，學其它人企係度踩。真係招積得佢吖。

新屯門中心呢個單車公園，勝在夠大又少人，學單車一流呀。隔離仲有個兒童公園，踩完單車去玩公園，攰到無人有咁返屋企。不過始終同屋企有距離，搭車又麻煩。所以真係得閒至再黎就差唔多。