2014全港兒童普通話朗誦比賽 －－ 銅奬

18 Oct 14 呢日我地下午要去元朗比賽朗誦。朝早同Isaac 上西鐵買野，路經VCITY見到對咁CUTE既公仔，Isaac 梗係要影相留念啦。

食完個LUNCH，我地就出發去元朗比賽。舊年都係呢個場比賽，所以，一入到去，Isaac 無去年咁緊張。媽媽亦都好冷靜咁等Isaac 出場。

終於出場了～～～按此去片

媽媽係下邊聽住，心諗： 唉～～～～好似拉牛上樹咁。無哂係屋企個種好愁傷既感情。媽媽就知，係時候要再改一改呢首詩既風格。同埋，媽媽開始覺得，古詩都唔係Isaac 杯茶。試過兩次，效果好似出唔到咁。最後，只係得銅奬，Isaac 好失望。經一事長一智，今次我地無揾普通話老師執發音，所以唔少發音唔準；其次，媽媽唯有再努力鑽研點樣改進Isaac 表達古詩既風格，下次再努力。