再見安全碌／石灘片石仔

1 Oct 14 難得一日假期，我地出走大尾督，帶埋私家單車，因為媽媽好想教Isaac踩兩輪單車。不過以Isaac性格，都係循序漸進好，先用輔助碌既單車，拆左一邊安全碌，咦，好似好勁咁喎。

其實轉左彎，就見到有安全碌，所以Isaac 好似依然踩到。

呢次單車之旅，係告別呢架淘寶貨單車最後一役。因為爸爸實在頂唔順呢架甩皮甩骨既淘寶貨。所以，呢次之後，我地就掉左呢架單車。買架兩輪正正踩兩輪單車了。

專程去到大尾督，我地梗係唔會淨係踩單車，我地今次唔釣魚，因為媽媽發覺得爸爸釣，兩兄妹呆到屎。所以，媽媽建議去附近石灘捉蟹。不過Isaac 一去到，好似片石多過捉蟹囉。

Isaac: 等我撈D水先。 

Isaac: HELLO，你估下午我今日捉得多唔多蟹？

係岸邊走黎走去，唔知做乜。

撈完水又倒返落去，想點呀？

Isaac: 咦，我見到啦～～

Isaac: 咦～～～點解走左架，捉唔到既～～～

Isaac: 等我上石邊揾下先。

Isaac: 嘩，有呀～～～

Isaac: 咦，乜咁快又走左架～～

最後，Isaac 梗係一隻都捉唔到啦。點解？因為Isaac 一掂就喊哂口。最後，勉強拎住呢隻黎影相咋。

所以，後黎索性落水邊玩水算。

原來唔係玩水，係摷石仔片

阿妹又有樣學樣，兩兄妹一齊片，幾咁温馨。

雖然Isaac 喊哂口，不過對佢黎講，一年一次既活動，佢係好回味架。不過係回味片石仔個下囉，哇卡卡。